ရေအရမ်းကြောက်တတ်ပေမယ့် တစ်နေ့ကို ရေထဲမှာ ၁၂ နာရီလောက် အလုပ်လုပ်နေရတဲ့ မိန်းကလေး

တရုတ်ပြည်နိုင်ငံက Cai Qian လို့ခေါ်တဲ့ အမျိုးသမီးတစ်ယောက်ဟာ ရေအရမ်းကြောက်တတ်ပြီး သူမအသက် 22 နှစ်လောက်ထိ ရေလုံးဝမကူးတတ်ပါဘူး ။ ဒါပေမယ့် သူမရဲ့ ဘဝအသက်မွေးဝမ်းကြောင်းအရ ရေကြောက်တတ်တဲ့ အကျင့်ကို ပြင်ပီး ရေထဲမှာ အလုပ်လုပ်ရဖို့ ဖြစ်လာတဲ့အချိန်မှာတော့ Cai Qian ဟာ သူမကိုယ်သူမ လုံးဝအပြောင်းအလဲကြီး ပြောင်းလဲခဲ့ပါတယ်။

သူမဟာ Xiangyang မြို့မှာရှိတဲ့ ရေအောက်ကမ္ဘာမှာ အလုပ်လုပ်ဖို့အတွက် ရေကူးကို ကျွမ်းကြင်အောင် အချိန်ခနလေးအတွင်းသင်ခဲ့ရပြီး တစ်နေ့ကို 12 နာရီလောက် ရေအောက်ထဲမှာ အလုပ်လုပ်ခဲ့ရပါတယ်။

သူမဟာ တစ်ရက်ကို ပွဲပေါင်း ၇ ပွဲလောက် တင်ဆက်ပြသရပြီး ဆားငန်ရေတွေကိုဆေးကြောဖို့အတွက် တစ်နေ့ကို ရေရှစ်ခါလောက်ချိုးရပါတယ်။တရုတ်ပြည်မှာ အများပြည်သူ ပိတ်ရက်တွေလည်းများတာကြောင့် သူမအလုပ်လုပ်တဲ့ ရေအောက် ကမ္ဘာကို လာရောက်လည်ပတ်သူများပြားပြီး Cia Qian ကလည်း ရေသူမဝတ်စုံ အမျိုးမျိုးလဲပြီး လာရောက်လည်ပတ်သူတွေကို အမျိုးမျိုးသော တင်ဆက်မှုတွေနဲ့ ဖျော်ဖျေပေးရတာပဲဖြစ်ပါတယ်။

Cai Qian အလုပ်လုပ်တဲ့ ရေအောက်ကမ္ဘာ မှာ ရေသတ္တဝါပေါင်း ၅၀၀၀ လောက်ရှိပြီး ငမန်းတွေ၊ ငါးရှဉ့်တွေ၊ ပင်လယ်လိပ်တွေကိုလည်းပြသထားပါတယ်။ Cai Qian ကပြောကြားရာမှာ သူမအနေနဲ့ ဒီအလုပ်ကို မလုပ်မီ ၁ လလောက် အထိရေမကူးတတ်သော်လည်း အလုပ်ရရှိဖို့ အတွက် ရေကူးတတ်အောင်အလျင်အမြန်လေ့ကျင့်ခဲ့ရတယ်လို့ဆိုပါတယ်။အသက် 20 ကျော်အရွယ်ထိ ရေအရမ်းကြောက်တတ်တဲ့ Cai Qian ဟာ အခုဆိုရင် ရေကူးအရမ်းကျွမ်းကျင်တဲ့ သူတစ်ယောက်ဖြစ်နေခဲ့ပြီပဲဖြစ်ပါတယ်။

သတင်း အရင်းအမြစ်៖ Mirror