လအနည်းငယ်အတွင်း လွန်ခဲ့တဲ့ 15 နှစ်က မင်္ဂလာဝတ်စုံကိုတော်အောင် ဝိတ်ချနိုင်ခဲ့တဲ့ အမျိုးသမီး

Queensland ပြည်နယ် Harbey Bay မှာနေထိုင်တဲ့ ကလေးသုံးယောက်အမေ Lauren Kertland လို့ခေါ်တဲ့ အမျိုးသမီးတစ်ဦးဟာ ၈လခွဲအတွင်း ၃၅ ကီလိုဂရမ်ကျအောင် ဝိတ်ချနိုင်ခဲ့ပြီး လွန်ခဲ့တဲ့ ဆယ့်ငါးနှစ်က မင်္ဂလာဝတ်စုံကို ပြန်ဝတ်နိုင်ခဲ့ပါတယ်။သူမဟာ နေ့တိုင်း ကြက်တောင်ပံတွေနဲ့ chicken strips တွေကိုနေ့တိုင်းစားခဲ့တာကြောင့် တဖြေးဖြေးဝလာပြီး ကျန်းမာရေးမကောင်းဖြစ်လာခဲ့ပါတယ်။

အဲ့ဒီနောက်မှာတော့ Lauren ဟာအဝလွန်မှုကြောင့် plantar fasciitis ဆိုတဲ့ ရောဂါဖြစ်ပြီး အဲ့ရောဂါကြောင့် လမ်းလျှောက်ရင်ဘဲဖြစ်ဖြစ် အိပ်ရာကထရင်ဘဲဖြစ်ဖြစ် အပြင်းအထန်နာကျင်မှုခံစားရပါတယ်။ ဆရာဝန်ကလည်း သွေးပေါင်ချိန်မြင့်တက်မှုကို သတိပေးလာခဲ့ပြီး တစ်ရေးနိုးလို့ အိမ်သာသွားချင်ရင်တောင် ခက်ခဲလို့ ငိုချင်ခဲ့ပါတယ်လို့ ပြောခဲ့ပါတယ်။အရမ်းဝလာတဲ့ Lauren ဟာ အဝတ်အစားတွေလည်း ဝတ်လို့အဆင်မပြေတော့သလို တဖြေးဖြေးနဲ့ သိမ်ငယ်စိတ်တွေပါဝင်လာခဲ့ပါတယ်။

ဒါ့ကြောင့် သူမဟာ ဝိတ်ချကိုချမှရတော့မယ်လို့ ဆုံးဖြတ်ခဲ့ပြီး 8 လခွဲအတွင်းမှာ 35 ကီလိုဂရမ်လောက်ကြအောင် ဝိတ်ချနိုင်ခဲ့ပါတယ်။ဒီလိုဝိတ်ကျဖို့အတွက် Lauren ဟာ လေ့ကျင့်ခန်းပုံမှန်လုပ်သလို အစားအစာကိုလည်း မနက်စာကို အသီး နေ့လည်စာဆို Sandwich ဒါမှမဟုတ် တူနာနဲ့ အရွက်စားပြီး ညနေစာကို အသီးအရွက် ဒါမှမဟုတ် ကြက်သားစွပ်ပြုတ်ကိုသာစားသုံးခဲ့ပါတယ်။အဲ့ဒီနောက်မှာတော့ Lauren ဟာ သူမရဲ့ကြိုးစားမှုနဲ့ ထိုက်တန်တဲ့ အသီးအပွင့်ကို ခံစားခဲ့ရပြီး လွန်ခဲ့တဲ့ ဆယ့်ငါးနှစ်က သူမဝတ်ဆင်ခဲ့တဲ့ မင်္ဂလာဝတ်စုံကို ပြန်လည်ဝတ်နိုင်ခဲ့ပါတယ်။

သတင်း အရင်းအမြစ်៖ Daily Mail