အင်ဒိုနီးရှားနိုင်ငံရဲ့ မြို့တော် ဂျကာတာ မှာတော့ Potato House (အာလူးအိမ်) လို့ ဒေသခံတွေက ခေါ်ဝေါ်ကြတဲ့ အိမ်လေးတစ်အိမ်ရှိပါတယ်။ ဒီအိမ်နာမည်လေးကိုကြားလိုက်တာနဲ့ အနည်းငယ်ထူးဆန်းနေတယ်လို့ ထင်ကောင်းထင်မိနိုင်ပေမယ့် ဒီအိမ်လေးမှာ ဖြစ်ပျက်ခဲ့တဲ့ အဖြစ်အပျက်တွေကို သိလိုက်မယ်ဆိုရင်တော့ ထိတ်လန့်သွားနိုင်ပါတယ်။
ဒီအိမ်မှာဖြစ်ပျက်ခဲ့တဲ့ ဇာတ်လမ်းလေးကတော့ လွန်ခဲ့တဲ့နှစ်အနည်းငယ်လောက်က ဒီအိမ်ကြီးထဲမှာ စားစရာထုတ်ကုန် တစ်မျိုးအတွက် အာလူးကို အိုးကြီးထဲထည့်ပီး ကျိုးချက်နေစဉ်မှာ ကလေးငယ်လေးတစ်ဦးဟာ ၎င်းအာလူးအိုးကြီးထဲ မတော်တဆပြုတ်ကျပြီး သေဆုံးသွားခဲ့ပါတယ်။အဲ့အချိန်မှာထူးဆန်းတာက အားလူးအိုးထဲပြုတ်ကျသွားတဲ့ ကလေးငယ်လေးရဲ့အလောင်းကို အစအနတောင်ရှာလို့မရခဲ့ဘူး။
ဒီအဖြစ်အပျက်ဖြစ်ပီး နောက်ပိုင်းမှာတော့ ဒီအိမ်လေးထဲကို ဝင်လိုက်တာနဲ့ အာလူးပြုတ်အနံ့တွေရနေတတ်သလို တစ်ခါတလေဆိုရင်လည်း ကလေးငယ်လေးတစ်ယောက် အော်ငိုနေတဲ့အသံကိုပါ ကြားနေရတတ်ပါတယ်။
ဒီအဖြစ်အပျက်ကြေင့်ပဲ နောက်ပိုင်းမှာတဖြေးဖြေးနဲ့ ဒီအိမ်လေးထဲမှာ နေထိုင်ရဲတဲ့သူ မရှိကြတော့ပဲ အခုဆိုရင် ခြောက်ကပ်တိတ်ဆိတ်ပြီး ကလေးသူငယ်ခြောက်တဲ့ Potato House အဖြစ်သာ ဒေသခံတွေကြားထဲမှာ နာမည်ကျန်ရှိနေခဲ့ပါတော့တယ်။
သတင်း အရင်းအမြစ်៖ Lifeboyan