တစ်ခါတစ်လေမှာတော့ ကိုယ်ရဲ့စိတ်ထဲကလုပ်ချင်တဲ့အတိုင်း လုပ်လိုက်တဲ့အရာတစ်ခုကို အခြားသူတွေအနေနဲ့ နားလည်ရခက်တဲ့ အခိုက်အတန့်မျိုးတွေရှိတတ်ပါတယ်။အဲ့ဒီလိုပဲ Essex မြို့မှာနေထိုင်တဲ့ Torz Reynolds ဆိုတဲ့ အမျိုးသမီးတစ်ဦးဟာဆိုရင်လည်း သူမရဲ့လက်ကိုဖြတ်ပြီး လည်ဆွဲအနေနဲ့ ပြန်လည်ဝတ်ဆင်ခဲ့ပါတယ်။ သူမရဲ့ခံယူချက်နဲ့ သူမကတော့ အဆင်ပြေပေမယ့် ဒီအဖြစ်ပျက်ကိုသိရတဲ့ အခြားသူတွေအတွက်တော့ နားလည်ရခက်တဲ့ ဖြစ်ရပ်တစ်ခုပါပဲ။

photo credit - Mirror

Torz ဟာ သူမရဲ့လက်သန်းကို ကိုယ်တိုင်လှီးဖြတ်ခဲ့ပြီး မပုပ်မသိုးအောင် ဆေးစိမ်ကာ ဖန်ဘူးလေးတစ်ဘူးထဲမှာ အရင်ဆုံးသိမ်းထားခဲ့ပါတယ်။အဲ့ဒီနောက်မှာတော့ သူမဟာ လည်ဆွဲအဖြစ်ဝတ်ဆင်ဖို့ ဆန္ဒဖြစ်ပေါ်လာခဲ့တာကြောင့် လည်ပင်းမှာဆွဲပြီး လော့ကတ်တစ်ခုအနေနဲ့ ဝတ်ဆင်ခဲ့တာပဲဖြစ်ပါတယ်။သူမအခုလို လက်သန်းကို ဖြတ်လိုက်ရတဲ့ အကြောင်းရင်းကတော့ လက်သန်းမရှိတော့တဲ့နောက်မှာ နေထိုင်ဖြတ်သန်းရမယ့် ဘဝအခြေအနေကို သိရှိခြင်တာကြောင့်ပဲ ဖြစ်ပါတယ်။

photo credit - Mirror
photo credit - Mirror

ဒါ့အပြင် သူမဟာ ခန္ဓာကိုယ်ကို ဖောက်ထွင်း ဖြတ်ထုတ်ပီး အလှဆင်ရတာကို ကြိုက်နှစ်သက်သူတစ်ဦးဖြစ်ပြီး လွန်ခဲ့တဲ့ နှစ်အနည်းငယ်လောက်တုန်းကလည်း လက်မောင်းထားထိုးထားတဲ့ တက်တူးရဲ့အရည်ပြားကို ခွာပြီး သူမကိုအရှက်ရအောင်လုပ်ခဲ့တဲ့ ရည်းစားဟောင်းကို ပေးပို့ခဲ့သေးတယ်လို့ သိရပါတယ်။သူမရဲ့ ပြတ်သားတဲ့ စိတ်ဓာတ်နဲ့ လုပ်ရဲကိုင်ရဲရှိပုံကတော့ တကယ့်ကို အံသြစရာပါပဲ။

photo credit - Mirror
photo credit - Mirror

သတင်းအရင်းမြစ်: Mirror

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။