တစ်ယောက်နဲ့တစ်ယောက် သမီးရည်းစားမဖြစ်ခင်တုန်းကတော့ ချစ်လှပါပြီ ၊ ကြိုက်လှပါပြီဆိုပြီး အဖြေပေးပီးကာမှ ပြောင်းလဲသွားသူတွေ အများကြီးပါပဲ။အဖြေမရခင်နဲ့ ရည်းစားဖြစ်ကာစမှာတော့ ဖူးဖူးမှုတ်ထားကြပေမယ့် အချိန်ကြာလာတာနဲ့အမျှ ကိုယ့်ရဲ့ ချစ်သူကောင်မလေးအပေါ် နှိပ်စက်ကြတဲ့ ယောကျာ်းလေးတွေလည်း အများကြီးပါပဲ။အဲ့ဒီလိုပဲ Seren လို့ခေါ်တဲ့ အမျိုးသမီးလေးတစ်ဦးဟာလည်း lockdown ကာလမှာ သူမရဲ့ချစ်သူကောင်လေးဖြစ်သူ Paul Richards Keegan ရဲ့ ဆိုးဆိုးရွားရွားနှိပ်စက်မှုတွေကို ခံစားခဲ့ရပါတယ်။

photo credit - Metro

Paul ဟာ Seren ရိုက်နှက်တာတွေ ၊ တံတွေးနဲ့ထွေးတာတွေ ၊ ဆံပင်ဆွဲပြီး ပါးရိုက်တာတွေလုပ်ခဲ့ပြီး အမျိုးမျိုးသောအကြောင်းပြချက်တွေနဲ့ နှိပ်စက်ခဲ့တာပဲ ဖြစ်ပါတယ်။Paul ရဲ့နှိပ်စက်မှုကြောင့် Seren ရဲ့ ပါးစပ်တစ်ခုလုံးမှာလည်း သွေးတွေနဲ့ ပြည့်နေခဲ့ရသလို ခန္ဓာကိုယ်တစ်ခုလုံးမှာလည်း ရစရာမရှိလောက်အောင်ကို ဒဏ်ရာတွေနဲ့ ပြည့်နေခဲ့ပါတယ်။Seren အနေနဲ့လည်း Paul ရဲ့နှိပ်စက်မှုကြောင့် ဆေးရုံပါတက်ခဲ့ရပြီး နောက်ဆုံးမခံနိုင်တဲ့အဆုံးမှာမှ သူမနှိပ်စက်ခံရမှုတွေကို ထုတ်ပြောခဲ့တာပဲဖြစ်ပါတယ်။

photo credit - Metro
photo credit - Metro

အဲ့ဒီနောက်မှာတော့ Paul ကိုရဲတပ်ဖွဲ့ဝင်တွေက ညှဉ်းပန်းနှိပ်စက်မှုနဲ့ ဖမ်းဆီးအရေးယူခဲ့ပြီး ထောင်ဒဏ် လေးနှစ်ချမှတ်ခဲ့ပြီး အပြစ်ပေးခဲ့ပါတယ်။ဘာတွေပဲဖြစ်ဖြစ် ချစ်သူကောင်လေးရဲ့ ညှဉ်းပန်းနှိပ်စက်မှုကို ခံခဲ့ရတဲ့ Seren ရဲ့ ဘဝမှာတော့ ဒီအဖြစ်အပျက်ကြီးက အိမ်မက်ဆိုးကြီးတစ်ခုလို ဖြစ်နေတော့မှာပါပဲ။ ကိုယ်ချစ်လို့ လက်တွဲထားတဲ့ ချစ်သူကိုတော့ အခုလို နှိပ်စက်တာမျိုးကြီးက မလုပ်သင့်တဲ့ လုပ်ရပ်တစ်ခုလို့ ထင်ပါတယ်။

photo credit - Metro
photo credit - Metro

သတင်းအရင်းမြစ်: Metro

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။