အလှမယ် နန်းရွှေအေး (ဟန်လေး ) ကတော့ သူမရဲ့ တစ်ဦးတည်းသော မောင်လေးကို Surprise အကြီးကြီးလုပ်ပေးရင်း မွေးနေ့ကို ပျော်ရွှင်စွာ ဖြတ်သန်းစေခဲ့ပါတယ်။ အနုပညာလောကမှာ ဖြည်းဖြည်းမှန်မှန်လျှောက်လှမ်းလာရင်း နေရာတစ်ခုကို အခိုင်အမာစိုက်ထူထားနိုင်ခဲ့တဲ့ သူမကို ပရိသတ်တွေက အားပေးဝန်းရံကြပါတယ်။ လက်ရှိမှာလည်း ဟန်လေးက အနုပညာလှုပ်ရှားမှုအနေနဲ့ Photo shooting တွေကို ရိုက်ကူးနေတာပါ။
ဟန်လေးက သူမရဲ့လှုပ်ရှားမှုတိုင်းကို လူမှုကွန်ယက် ဖေ့ဘွတ်အကောင့်မှာ ဝေမျှလေ့ရှိတာဖြစ်ပြီး ပရိသတ်တွေကလည်း စောင့်ကြည့်အားပေးနေကြတာပါ။ ယခုမှာတော့ ဟန်လေးက သူမရဲ့ မောင်လေး ၁၈နှစ်ပြည့်မွေးနေ့လေးမှာ သူဖြစ်ချင်တဲ့ ဆန္ဒလေးကို ဖြည့်ဆည်းပေးခဲ့တာပါ။ ဒါကတော့ သူအရမ်းကြိုက်နှစ်သက်တဲ့ ခင်ဝင့်ဝါကို အကောင့် အပ်ပေးခိုင်းတာပဲ ဖြစ်ပါတယ်။
မောင်လေးရဲ့ ဆန္ဒကို ဖြည့်ဆည်းဖို့အတွက် သူငယ်ချင်း ခင်ဝင့်ဝါကို အကူအညီတောင်းခဲ့တာဖြစ်ပြီး သူမကလည်း ပြန်လည်လက်ခံခဲ့တာပါ။ မောင်လေးက သူဖြစ်ချင်တာလေး ဖြစ်ခွင့်ရလို့ ပျော်ရွှင်နေတဲ့ အဆိုပါ ဗီဒီယိုဖိုင်လေးကို ဟန်လေးက သူမရဲ့ လူမှုကွန်ယက် စာမျက်နှာထက်မှာ တင်ပေးလာတာဖြစ်လို့ ချစ်ရတဲ့ ပရိသတ်တွေ ကြည့်ရှု အချစ်ပိုစေဖို့အတွက် ပြန်လည်တင်ဆက်ပေးလိုက်ပါတယ်..... ။
သတင်း အရင်းအမြစ်៖ Source - Nan Shwe Aye's Facebook Account