မင်းသမီးချောလေး နေခြည်ဦးကတော့ စကားပြောပွင့်လင်းသလို သွက်သွက်လက်လက်နဲ့ အရမ်းကိုချစ်ဖို့ကောင်းတဲ့ ကောင်မလေးတစ်ယောက်ပဲ ဖြစ်ပါတယ် ။ Beauty Blogger ဘဝကနေ အနုပညာရှင်ဘဝကိုပါခံယူခဲ့တဲ့ နေခြည်ဦးက နှစ်အနည်းငယ်လေးအတွင်းမှာတင် မသိသူမရှိလောက်အောင် အောင်မြင်လာခဲ့ပြီပဲ ဖြစ်ပါတယ် ။ ကြိုးစားမှုတွေအရာထင်ခဲ့တဲ့ နေခြည်ဦးက သူမရဲ့ရည်မှန်းချက်ပန်းတိုင်ကို ယုံကြည်မှုအပြည့်နဲ့ လျှောက်လှမ်းနေတာ ဖြစ်ပါတယ် ။
နေခြည်ဦးက ဒိတ်ဒိတ်ကြဲအနုပညာရှင်တွေနဲ့အတူ ရုပ်ရှင်ဇာတ်ကားကြီးတွေ ရိုက်ကူးခဲ့ရသလို ကြော်ငြာတွေလည်း မနားတမ်းလက်ခံရိုက်ကူးနေရတာ ဖြစ်ပါတယ် ။ လက်ရှိမှာလည်း နေခြည်ဦးက မင်းသားချောမြင့်မြတ်နဲ့အတူ ဇာတ်လမ်းတွဲတစ်ခုရိုက်ကူးဖို့ လက်ခံထားရတာပဲ ဖြစ်ပါတယ် ။ နေခြည်ဦးက အလုပ်ကြိုးစားခဲ့တာကြောင့် သိန်းထောင်ကျော်တန်တဲ့ အမိုက်စားကားအသစ်ကြီးကိုလည်း နှစ်သစ်မှာ ဝယ်ယူနိုင်ခဲ့ပြီပဲ ဖြစ်ပါတယ် ။
ကားအကောင်းစားတွေ ပိုင်ဆိုင်ထားတဲ့ နေခြည်ဦးက အခုလည်း အပြင်သွားခါနီးတိုင်း ကားစီးဖို့ရွေးရခက်တဲ့ သူမရဲ့အဖြစ်ကို ဗီဒီယိုရိုက်ပြလိုက်တာ ဖြစ်ပါတယ် ။ နေခြည်ဦးက အိမ်မှာ ကားတွေအများကြီးရှိတာကြောင့် "တစ်နေ့တစ်နေ့ ရွေးရခက်လိုက်တာ" ဆိုပြီး ဗီဒီယိုလေးကို My Story မှာတင်ထားတာပဲ ဖြစ်ပါတယ် ။ ကားအဖြူစီးရမလား အမဲပဲစီးရမလားဆိုပြီး ကားနှစ်စီးကြားမှာ ဝေခွဲရခက်ပြီး ဗျာများနေတဲ့ နေခြည်ဦးရဲ့ဗီဒီယိုလေးကို ချစ်ပရိသတ်တွေအတွက် ပြန်လည််မျှဝေပေးလိုက်ပါတယ်နော်။
Source & Video Credit-Nay Chi Oo's FB Story