သရုပ်ဆောင် မင်းသားချောလေး မောင်ကတော့ အနုပညာလောကကနေ အနားယူခဲ့တာဟာဆိုရင် အချိန်အတော်ကြာအောင်ရှိနေခဲ့ပြီပဲ ဖြစ်ပါတယ် ။ မောင်က စီးပွားရေးလုပ်ငန်းတွေကိုသာ အာရုံစိုက်လုပ်ကိုင်နေတာဖြစ်ပြီး ချစ်သူလေးနဲ့အတူ Vlog ဗီဒီယိုတွေ ရိုက်ကူးနေတာလည်း ဖြစ်ပါတယ် ။ မောင်က မင်းသမီးချောလေး ရီရီပွင့်ဖြူနဲ့ ချစ်ကြိုက်နေတာဖြစ်ပြီး သူတို့စုံတွဲလေးက တစ်ယောက်ကိုတစ်ယောက် နားလည်မှုရှိရှိနဲ့ လက်တွဲနေကြတာ ဖြစ်ပါတယ် ။
မောင်တို့စုံတွဲလေးက သူများတွေနဲ့မတူဘဲ စိတ်ဝင်စားစရာကောင်းတဲ့ Vlog ဗီဒီယိုလေးတွေကို ဖန်တီးရိုက်ကူးတတ်တာကြောင့် ပရိသတ်တွေက ချစ်ခင်အားပေးကြတာပဲ ဖြစ်ပါတယ် ။ ဆရာဝန်တစ်ဦးလည်းဖြစ်တဲ့ မောင်က မကြာသေးခင်ကပဲ ဖောင်ကြီးကိုဗစ်စင်တာမှာ သွားရောက် တာဝန်ထမ်းဆောင်ခဲ့တာ ဖြစ်ပါတယ် ။ ဒါကြောင့် မောင်က ဒီနေ့မှာတော့ မြန်မာနိုင်ငံဆရာဝန်အသင်းက ချီးမြှင့်တဲ့ဂုဏ်ပြုမှတ်တမ်းလွှာကိုရရှိခဲ့ပြီး ဂုဏ်ပြုပွဲကို ချစ်သူနဲ့အတူ တက်ရောက်ခဲ့ရတာ ဖြစ်ပါတယ် ။
တာဝန်တွေပြီးမြောက်အောင် ထမ်းဆောင်ခဲ့လို့ ဆရာဝန်အသင်းရဲ့ဂုဏ်ပြုခြင်းခံလိုက်ရတဲ့ ချစ်သူဒေါက်တာလေးအတွက် ရီရီပွင့်ဖြူကလည်း ထပ်တူဝမ်းသာနေတာ ဖြစ်ပါတယ် ။ မောင်ကတော့ ဆရာဝန်ကောင်းပီသစွာ တိုင်းပြည်နဲ့လူမျိုးအကျိုးအတွက် တတတ်နိုင်သလောက်ကူညီခဲ့တာဖြစ်ပြီး ဒီနေ့ပွဲမှာ ဆရာဝန်တွေကိုယ်စား ကျေးဇူးတင်စကားပြောပေးခဲ့ရတာလည်း ဖြစ်ပါတယ် ။ ကဲ ချစ်ပရိသတ်တွေအတွက် ဒေါက်တာစိန်ဖြိုးလှိုင် (ခေါ်) သရုပ်ဆောင်မောင်နဲဲ့ချစ်သူလေးရီရီပွင့်ဖြူတို့ရဲ့ဗီဒီယိုလေးကို ပြန်လည်မျှဝေပေးလိုက်ပါတယ်နော် ။
Source & Video Credit-"SEIN PHYO & YI" FB Page
Bong I.T