အရမ်းချစ်ကြလို့ မင်္ဂလာပွဲတွေခမ်းခမ်းနားနားလုပ်ကာ လက်ထပ်ခဲ့ကြပြီး ဆယ်နှစ်တာလုံးခင်ပွန်းဆီက သည်းသည်းလှုပ်အချစ်ခံခဲ့ရတဲ့ခင်ဘုဏ်း

အဆိုတော် ခင်ဘုဏ်းကတော့ တစ်ခေတ်တစ်ခါတည်းက နာမည်တစ်လုံးနဲ့ ကျော်ကြားအောင်မြင်ခဲ့သူဖြစ်လို့ ပရိသတ်တွေနဲ့ ရင်းနှီးပြီးသားဖြစ်မယ် ထင်ပါတယ်နော်။ ခေတ်လူငယ်တွေနဲ့အပြိုင် ထွန်းလင်းတောက်ပနေဆဲဖြစ်တဲ့ ခင်ဘုဏ်းက အခုချိန်အထိ ဂီတလမ်းကြောင်းပေါ်မှာ ဆက်လက်လျှောက်လှမ်းပြီး သီချင်းတွေဖန်တီးနေတာ ဖြစ်ပါတယ် ။ လက်ရှိမှာတော့ ခင်ဘုဏ်းက အမေရိကန်နိုင်ငံမှာ ချစ်ခင်ပွန်းနဲ့အတူ သွားရောက်နေထိုင်နေတာပဲ ဖြစ်ပါတယ် ။

ပြည်ပကိုရောက်ရှိသွားပေမယ့်လည်း ပရိသတ်တွေနဲ့ အဆက်အသွယ်မပြတ်ရှိနေတဲ့ ခင်ဘုဏ်းက သူမရဲ့လှုပ်ရှားမှုတွေကို လူမှုကွန်ယက်စာမျက်နှာကတစ်ဆင့် မျှဝေပေးနေတာ ဖြစ်ပါတယ် ။ အခုလည်း ခင်ဘုဏ်းက သူမချစ်ရတဲ့ခင်ပွန်းသည်နဲ့ လက်ထပ်ခဲ့တာ (၁၀)နှစ်တောင်ပြည့်သွားခဲ့ပြီဖြစ်ကြောင်း ပြောပြထားတာ ဖြစ်ပါတယ် ။ ခင်ဘုဏ်းတို့ဇနီးမောင်နှံကတော့ တစ်ယောက်နဲ့တစ်ယောက် အရမ်းချစ်ကြတာကြောင့် မင်္ဂလာပွဲတွေခမ်းခမ်းနားနား ကျင်းပပြီး လက်ထပ်ခဲ့ကြတာ ဖြစ်ပါတယ် ။

ခင်ဘုဏ်းက "လက်ထပ်ခဲ့ကြတာ (၁၀) နှစ်ရှိပြီ (16.1.2011)~ (16.1.2021)နားလည်မှု၊ ဖေးမမှု၊ ကြင်နာမှုတွေ လျော့မသွားတဲ့ အပြင် ပိုတိုးလာတဲ့အချစ်တွေနဲ့ ခုထိ ချစ်ပေးလို့ကျေးဇူးပါ ချစ်သူ လက်မှတ်ထိုးတဲ့နေ့က မိတ်ကပ်မပါပဲ မျက်ခုံးမွေးလေးပဲ ဆွဲထားတဲ့ ကျွန်မ မမခင်ပါ " ဆိုပြီး အမှတ်တရလေးကို တင်ပေးထားတာ ဖြစ်ပါတယ် ။ ခင်ဘုဏ်းကတော့ ချစ်ခင်ပွန်းဆီက အခုချိန်အထိ အချစ်ခံရပြီး အိမ်ထောင်ရေးကံကောင်းသူလေး ဖြစ်ပါတယ် ။ ကဲ ချစ်ပရိသတ်တွေအတွက် ခင်ဘုဏ်းတို့ဇနီးမောင်နှံရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော် ။

Source & Photo Credit-Khin Bone Pyi's FB Acc