ပရိသတ်ချစ်တဲ့ အဆိုတော် နိုင်းဝမ်းကတော့ မကြာသေးတဲ့ ကာလလောက်က အိမ်ထောင်ပြုလိုက်တာပါ။ သူရဲ့ ချစ်ဇနီးလေးနဲ့ ရည်းစားသက်တမ်းအတော်ကြာအောင် လက်တွဲပြီးကာမှ လက်ထက်ကြတာဖြစ်လို့ နားလည်မှုရှိပြီး ခိုင်မြဲကြတာကိုလည်း တွေ့ရပါတယ်။ တကယ်ကို လိုက်ဖက်ညီတဲ့ စုံတွဲတွေဖြစ်တဲ့သူတို့ကို မြင်သူတိုင်းကလည်း အားကျအချစ်ပိုကြတာပါ။
လက်ရှိမှာဆိုရင် နိုင်းဝမ်းက အနုပညာအလုပ်တွေကို ခေတ္တရပ်နားထားပြီး ချစ်ဇနီးလေးနဲ့အတူ ပြည်တွင်းခရီးစဉ်တွေကို သွားရောက်လည်ပတ်နေတာလည်းဖြစ်ပါတယ်။ ချစ်ဇနီးလေးနဲ့အတူ လှုပ်ရှားမှုလေးတွေကို လူမှုကွန်ယက် ဆိုရှယ်မီဒီယာထက်မှာ အမှတ်တရအဖြစ် ဝေမျှလေ့ရှိတဲ့ သူက ယနေ့မှာလည်း ပိုစ့်တစ်ခုတင်ပေးလာပြန်ပါတယ်။
ဒါကတော့ " ဇွဲဘာကုန်းကမ်းခြေပိတ်ထားလို့ ရန်ကုန်မပြန်ပဲ လမ်းကတွေ့ကရာပဲခင်းထဲမှာ ချစ်ဇနီးလေးနဲ့ပုဇွန်ထုပ်တွေချက်စားပြီးတဲထိုးအိပ်လို့ရတယ်မလား " ဆိုတဲ့ စာသားလေးနဲ့အတူ နှစ်ယောက်အတူ ကြည်နူးနေတဲ့ ပုံလေးတွေကို တင်ပေးလာတာပါ။ နိုင်းဝမ်းတို့ ဇနီးမောင်နှံနှစ်ယောက်ရဲ့ ပုံလေးတွေကို ချစ်ပရိသတ်တွေ ကြည့်ရှုအချစ်ပိုစေဖို့အတွက် ပြန်လည်တင်ဆက်ပေးလိုက်ပါတယ်နော်..။
သတင်း အရင်းအမြစ်៖ Source - Kyaw Zin Latt's FB account