အဆိုတော် ဖိုးကာကတော့ အသံချိုချိုအေးအေးလေးနဲ့ သီချင်းတွေကို နားဆင်သူပရိသတ်တွေရဲ့ရင်ထဲထိရောက်အောင် သီဆိုနိုင်သူပဲ ဖြစ်ပါတယ် ။ ဟိုးအရင်ကတည်းက ဂီတလောကမှာ ဆယ်စုနှစ်ကျော်ကြာအောင် ထွန်းတောက်အောင်မြင်ခဲ့တဲ့ ဖိုးကာက အခုချိန်အထိ သူမြတ်နိုးတဲ့သီချင်းတွေကို ဆက်လက်ဖန်တီးနေဆဲ ဖြစ်ပါတယ် ။ ဖိုးကာကိုတော့ လူကြီးလူငယ်မရွေး နှစ်ခြိုက်အားပေးကြတာဖြစ်ပြီး သူ့ရဲ့သီချင်းတွေကလည်း အခုထိရေပန်းစားနေတာ ဖြစ်ပါတယ် ။

လတ်တလောမှာတော့ ဖိုးကာက ပွဲအခမ်းအနားတွေနဲ့ ဖျော်ဖြေပွဲတွေမှာ ပါဝင်သီဆိုနေတာပဲ ဖြစ်ပါတယ် ။ သားတစ်ယောက်၊သမီးတစ်ယောက်ရဲ့ဖခင်ဖြစ်တဲ့ ဖိုးကာက ကလေးတွေကို ရင်အုပ်မကွာစောင့်ရှောက်ပြီး ဖခင်ကောင်းပီသစွာ တာဝန်ကျေပွန်နေတာလည်း ဖြစ်ပါတယ် ။ သူ့ရဲ့လှုပ်ရှားမှုတွေကို လူမှုကွန်ယက်စာမျက်နှာကတစ်ဆင့် အမြဲမျှဝေပေးလေ့ရှိတဲ့ ဖိုးကာက အခုလည်း ခင်မင်ရင်းနှီးရတဲ့မိတ်ဆွေတစ်ယောက်ဆီကို သွားရောက်လည်ပတ်ခဲ့ကြောင်း ပုံလေးတွေကို တင်ထားတာ ဖြစ်ပါတယ် ။

ဖိုးကာက "ကိုဥက္ကာရဲ့ ချစ်စရာအိမ်ကလေး" ဆိုပြီး Music Director ကိုဥက္ကာဦးသာရဲ့အိမ်မှာ အမှတ်တရဓာတ်ဖမ်းထားတဲ့ ပုံရိပ်လေးတွေကို မျှဝေထားတာပဲ ဖြစ်ပါတယ် ။ ဖိုးကာကတော့ သပ်ရပ်လှပပြီး အရမ်းကိုနေချင်စရာကောင်းတဲ့ ကိုဥက္ကာရဲ့အိမ်လေးကို သူငယ်ချင်းစည်သူလွင်နဲ့အတူ သွားရောက်လည်ပတ်ခဲ့တာပဲ ဖြစ်ပါတယ် ။ ကဲ ချစ်ပရိသတ်တွေအတွက် တေးသံရှင်ဖိုးကာနဲ့ ကိုဥက္ကာဦးသာတို့ရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။


SPONSORED CONTENT