လူကုန်ကူးမှုအတွက် ထိုင်းဗိုလ်ချုပ်ကြီးဟောင်းကိုနှစ်ရှည်ထောင်ချ

ထိုင်းဗိုလ်ချုပ်ကြီးဟောင်းပါဝင်နေတဲ့လူကုန်ကူးမှုမှမြန်မာနိုင်ငံသားတွေနဲ့ဘင်္ဂလားဒေ့ရှ်နိုင်ငံသားတွေလည်းပါဝင်နေပါသလိုစစ်ဆေးတွေ့ရှိချက်အရ တရားရုံးကပါဝင်သူတွေကိုထောင်ဒဏ်အသီးသီးချမှတ်လိုက်ကြောင်း ABC News မှာဖော်ပြထားပါတယ်။ 

ထိုင်းဗိုလ်ချုပ်ကြီးဟောင်း မန်နက်စ်ခွန်ပေါင်ကို လူကုန်ကူးမှုနဲ့ပြစ်မှုထင်ရှားကြောင်း တွေ့ရှိခဲ့တဲ့အတွက် တရားရုံးက ထောင်ဒဏ် (၂၇)နှစ် ချမှတ်လိုက်တာပါ။ ၂၀၁၅ခုနှစ်က ထိုင်း-မလေးရှားနယ်စပ်မှာ မြေမြုပ်ထားတဲ့ အလောင်း (၄၀)နီးပါးကို တွေ့ရှိခဲ့ပြီးနောက် စုံစမ်းစစ်ဆေးခဲ့ရာမှာလူကုန်ကူးမှုနဲ့ သံသယရှိသူ (၁၀၀)ကျော်ကို တရားစွဲဆိုခဲ့ပြီး အဆိုပါသံသယရှိသူတွေထဲနက် ဗိုလ်ချုပ်ကြီးဟောင်းအပါအဝင် ပြည်နယ်နိုင်ငံရေးသမား(၂)ဦးနဲ့ ရဲအရာရှိတွေလည်းပါဝင်နေကြောင်း သတင်းမှာဖော်ပြထားပါတယ်။ 

တရားရုံးကဗိုလ်ချုပ်ကြီးဟောင်းအပါအဝင်သံသယရှိသူ(၆၀)ကျော်ကိုပြစ်မှုထင်ရှားကြောင်းထုတ်ပြန်ခဲ့ပြီးအခြားထိပ်သီးအရာရှိဟောင်းတစ်ဦးကိုတော့ ထောင်ဒဏ်(၇၅)နှစ် ချမှတ်လိုက်ပါတယ်။ အခြားတရားခံတွေကိုတော့ ထောင်ဒဏ်(၄)နှစ်ကနေ (၉၄)နှစ်အထိ ပြစ်ဒဏ် အသီးသီးချမှတ်လိုက်ပါတယ်။

Aung

သတင်းအရင်းမြစ် ABC News