မိမိဘဝမှာ အဆိုးတရားများနှင့်ကြုံတွေ့လာချိန် မေတ္တာများများပွားသင့်ပါတယ်ဆိုပြီး တန်ဖိုးရှိတဲ့ စကားလေးတွေကို ပြောပြလာတဲ့ မနော

အဆိုတော် မနောကတော့ ဂီတလောကမှာ ပရိသတ်တွေရဲ့ ချစ်ခင်အားပေးမှုတွေကို ရရှိထားတဲ့ အကောင်းဆုံးလျှောက်လှမ်းလာတဲ့ သူပဲ ဖြစ်ပါတယ်။ မနောရဲ့ တေးသီချင်းတွေကလည်း လူကြီး၊ လူငယ်မရွေး သဘောကျကြိုက်နှစ်သက်ပြီး လက်ရှိအချိန်ရေပန်းစားနေတဲ့ သီချင်းကောင်းတွေပဲဖြစ်ပါတယ်။ ယနေ့အချိန်မှာတော့ မနောက အနုပညာအလုပ်တွေကို အကောင်းဆုံး ကြိုးစားနေတဲ့အပြင် တစ်ဖက်မှာလည်း ကိုယ်ပိုင်စီးပွားရေးအလုပ်ကို လုပ်ကိုင်နေတာ တွေ့ရပါတယ်။

သာယာပျော်ရွှင်စရာကောင်းတဲ့ အိမ်ထောင်ရေးကို တည်ဆောက်ထားပြီး သမီးလေးနဲ့ သားလေးတို့ကိုမွေးထားကာ ဘဝကိုရိုးရှင်းစွာ ဖြတ်သန်းနေတာ ဖြစ်ပါတယ်။ မနောက စိတ်သဘောထားပြည့်ဝပြီး ပျော်ပျော်ပါးပါးနေတတ်ပြီး သူတစ်ပါးပေါ်ကိုလည်း အမြဲကူညီတတ်တာကြောင့် ပရိသတ်တွေလေးစားနေရတဲ့ အနုပညာရှင်ပဲဖြစ်ပါတယ်။ ယခုမှာဆိုရင်တော့ မနောက ပရိသတ်တွေအတွက် အကျိုးရှိစေမယ့် တန်ဖိုးရှိတဲ့ စကားလေးတွေကို ပြောပြလာခဲ့ပါတယ်။

"မိမိဘဝမှာ အဆိုးတရားများနှင့်ကြုံတွေ့လာချိန် မေတ္တာများများပွားသင့်ပါသည် မိမိအပေါ် ပြဿနာရှာမည့်သူကို ရည်ရွယ်ပြီး မေတ္တာပို့ပေးပါ အမုန်းမပွားစေရန်နှင့် အန္တရာယ်မပြုစေရန် မိမိအပေါ် ချစ်ခင်စိတ်ဖြစ်ပေါ်လာစေရန်ထိုသူရဲ့ကိုယ်စောင့်နတ်ကိုအမျှဝေပေးသင့်ပါသည် လက်ရှိမိမိခံစားနေရသည့် အပူကိုလည်း တရားနာပြီးအေးနိုင်သမျှအေးချမ်းအောင်နေထိုင်သင့်ပါသည် အားလုံး လုပ်သင့်တာလုပ်ပြီးလျှင် သေချာစဉ်းစားတွေးခေါ်ပြီး စိတ်ငြိမ်ပြီဆိုမှ ထိုကိစ္စကိုဖြေရှင်းပါ ဒါမှအတွေးအမှန်အမြင်မှန်ကိုရစေမယ်ပေါ့ခင်ဗျာ ဒေါသ အပူတွေနှင့်မတုန့်ပြန်သင့်ပါအမှားပါတတ်ပါသည် ....အားလုံးသာယာချမ်းမြေ့ပါစေ" ဆိုပြီး ရေးသားထားပါတယ်။ ပရိသတ်တွေလည်း မနောရဲ့ တန်ဖိုးရှိတဲ့ စကားလေးတွေကြောင့် အသိတရားလေးတစ်ခု ရသွားစေမယ်လို့လည်း ထင်မိပါတယ်။

သတင်း အရင်းအမြစ်៖ Source - မနော Manaaw fb page