နှာခေါင်းတွေ မေးရိုးတွေပြတ်ထွက်ပြီး ဟောင်းလောင်းပေါက်ကြီး ဖြစ်နေပေမယ့် အသက်ရှင်ခွင့်ရခဲ့တဲ့ အမျိုးသား

လွန်ခဲ့တဲ့ နှစ်ပေါင်းများစွာအကြာကဖြစ်ပွားခဲ့တဲ့ ဒုတိယကမ္ဘာစစ်အပြီးမှာ မျက်နှာအောက်ပိုင်းတစ်ခုလုံး ဟောင်းလောင်းပေါက်ကြီးဖြစ်သွားတာတောင် အသက်ရှင်ကျန်ရစ်ခဲ့တဲ့ စစ်ဗိုလ်တစ်ဦးရှိခဲ့ပါတယ်။

သူရဲ့နာမည်ကတော့ Leo H.La Dage ဖြစ်ပြီး အကြီးတန်းစစ်ဗိုလ်တစ်ယောက်ပဲ ဖြစ်ပါတယ်။သူဟာ စစ်ပွဲအတွင်းမှာ ဗုံးမိပြီး မျက်နှာအောက်ပိုင်းတစ်ခုလုံး ဟောင်းလောင်းပေါက်ကြီးဖြစ်သွားတဲ့သလို သူ့ရဲ့ပါးစပ် နှာခေါင်းနဲ့ မေးရိုးတွေအားလုံး အသားစဖြစ်သွားခဲ့ပါတယ်။

သူ့ရဲ့ ပါးစပ်ထဲမှာဆိုရင်လည်း သွားတွေလည်း တစ်ချောင်းမှ မတွေ့ရတော့သလို တကယ့်ကို ကြောက်စရာပုံစံကြီးဖြစ်သွားခဲ့ပါတယ်။ဒါ့အပြင် သူ့ရဲ့ဦးခေါင်းခွံဟာဆိုရင်လည်း ကျိုးတဲ့နေရာကကျိုး အက်တဲ့နေရာက အက်နေခဲ့ပေမယ့် သူဟာ အသက်မသေဆုံးခဲ့ပါဘူး။ပရိသတ်တွေ ယခုမြင်တွေ့နေရတဲ့ ပထမတစ်ပုံကတော့ သူဒဏ်ရာရရှိကာစက ဓာတ်ပုံဖြစ်ပြီး ဒီလိုပုံစံကြီးနဲ့ အသက်ပြန်ရှင်လာတာက တကယ့်ကို ဖြစ်တောင့်ဖြစ်ခဲ ဖြစ်ရပ်တစ်ခုပါပဲ။

ဒုတိယပုံကတော့ အနာသက်သာပြီး ပြန်ကောင်းလာတဲ့ ဓာတ်ပုံဖြစ်ပြီး သူဟာ စစ်တပ်ထဲကိုတောင် ပြန်သွားခဲ့တယ်လို့သိရပါတယ်။အဲ့အချိန်တုန်းက ဆေးပညာနဲ့ သူ့ကိုအသက်ရှင်အောင် ဘယ်လိုကုပေးခဲ့လဲဆိုတာ ဘယ်သူမှသေချာမပြောနိုင်ခဲ့ပါဘူး။သူကပဲအသက်ပြင်းလို့လား ကုသပေးတဲ့ဆရာဝန်တွေကပဲ တော်လို့လားဆိုတာကတော့ ကိုယ်တိုင်ကြုံတွေ့ခဲ့ရတဲ့ သူတွေပဲ ရှင်းပြနိုင်ပါလိမ့်မယ်။ဘာတွေပဲဖြစ်ဖြစ် ဒီလိုလူတစ်ယောက်ကို အသက်မသေပဲ ရှင်သန်အောင်ကုသပေးနိုင်တဲ့ ဆရာဝန်တွေကတော့ လေးစားစရာပါပဲ။

……………………………………

သတင်း အရင်းအမြစ်៖ Sciencedirect