မနေ့ကဇန်နဝါရီလ 19ရက်နေ့က အမေရိကန်နိုင်ငံမှာ Leopauld Sanchez လို့ခေါ်တဲ့ တစ်နှစ်အရွယ်ကလေးငယ်လေးဟာ ကားတိုက်မှုကရရှိခဲ့တဲ့ ဒဏ်ရာတွေကြောင့်ပဲ သေဆုံးသွားခဲ့ပါတယ်။ ဒီကလေးငယ်လေးဟာ အသက်တစ်နှစ်အရွယ်သာ ရှိသေးပြီး ကားတိုက်မှုကြောင့် ဆေးရုံတက်နေရတာ နှစ်လဝန်းကျင်လောက်ရှိပြီပဲဖြစ်ပါတယ်။အစပိုင်းမှာတော့ Leopauld ရဲ့အခြေအနေဟာ ပြန်ကောင်းလာခဲ့ပေမယ့် နောက်ပိုင်းမှာ ဦးနှောက်သေသွားခဲ့ပြီး သေဆုံးရမယ့် အခြေအနေကိုရောက်လာခဲ့ပါတယ်။

photo credit - Metro
photo credit - Metro

အဲ့အခြေအနေအရောက်မှာတော့ ဒီကလေးလေး သေဆုံးတဲ့အခါ ကိုယ်တွင်းအင်္ဂါတွေကို လှူပေးဖို့ မိဘတွေထံ အကူအညီတောင်းခံမှုတွေ ရှိလာခဲ့ပါတယ်။မိဘတွေဟာလည်း ရင်နာနာနဲ့ ကြေကွဲရပေမယ့် သားလေးရဲ့နောင်ဘဝအတွက်ကို ရည်မှန်းပြီး ကိုယ်တွင်းအင်္ဂါတွေကို လှူဖို့ လက်ခံခဲ့ပါတယ်။မနေ့က ညပိုင်းလောက်မှာဆိုရင်တော့ မိဘတွေဟာ Leopauld ကိုနောက်ဆုံးနှုတ်ဆက်စကားပြောခဲ့ကြပြီး ရှိုက်ကြီးတငင်နဲ့ ငိုကြွေးနေတဲ့ မိဘနှစ်ယောက်လုံးကို မြင်တွေ့ရတာက တကယ်ကြေကွဲစရာကောင်းလှပါတယ်။

photo credit - Metro
photo credit - Metro

အဲ့ဒီနောက်မှာတော့ Leopauld လေးကိုခွဲစိတ်မှုတွေ ပြုလုပ်ခဲ့ပြီး ခြောက်လအရွယ်ကလေးလေးတစ်ဦးဟာ Leopauld ရဲ့ နှလုံးကို လက်ခံရရှိခဲ့သလို နောက်ထပ်ကလေးမလေးတစ်ယောက်က အသည်းကို ရရှိခဲ့ပါတယ်။နောက်ဆုံးတစ်ယောက်ကတော့ Leopauld ရဲ့ ကျောက်ကပ်ကို ရရှိခဲ့ပြီး သူတို့သုံးယောက်လုံးဟာ Leopauld ရဲ့ကျေးဇူးနဲ့ အသက်ဆက်ရှင်သန်ခွင့်ရရှိခဲ့ပြီပဲဖြစ်ပါတယ်။ Leopauld လေးကတော့ လက်ရှိအချိန်မှာ သူ့ရဲ့ကိုယ်တွင်းအင်္ဂါတွေနဲ့ အခြားသူတွေရဲ့အသက်ကိုဆက်ပေးခဲ့ပြီး ဘဝတစ်ပါးကို ကူးပြောင်းသွားခဲ့ပါပြီ။ Rest In Peace ပါ Leopauld လေးရေ…………………………………………………

photo credit - Metro
photo credit - Metro

သတင်းအရင်းမြစ်: Metro

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။