ဂျာမနီကို ပညာတော်သင်သွားရတော့မယ့် သူငယ်ချင်း ရှိုင်းဝဏ္ဏနဲ့ ခွဲခွာရလို့ စိတ်မကောင်းဖြစ်နေခဲ့တဲ့ Sinon

မြန်မာနိုင်ငံမှာပဲ အခြေချနေထိုင်ကာ အနုပညာအလုပ်တွေကို လက်ခံလုပ်ကိုင်နေသူကတော့ ဖိလစ်ပိုင် Cat Walk မော်ဒယ်လ် Sinon Loresca ပဲ ဖြစ်ပါတယ်။ Sinonက ဖော်ရွေပျုငှာတဲ့ စိတ်ထားလေးနဲ့ ခင်မင်ရင်းနှီးတတ်သူဖြစ်ပြီး အလှူအတန်းတွေကိုလည်း လက်မနှေးသူမို့ မြန်မာပြည်က ပရိသတ်တွေက တစ်ခဲနက်အားပေးအချစ်ပိုကြတာကို တွေ့ရပါတယ်။ 

Sinonက သူငယ်ချင်းတွေအပေါ်မှာလည်း စိတ်ရင်းနဲ့ ပေါင်းသင်းတတ်ကာ အချစ်ပိုတတ်သူပါ။ မြန်မာပြည်က သူ ချစ်ရတဲ့ သူငယ်ချင်းတွေထဲမှာ မိချိုလို့ အများက သိကြတဲ့ ရှိုင်းဝဏ္ဏကလည်း တစ်ယောက်အပါအဝင်ပဲ ဖြစ်ပါတယ်။ မိချိုဟာဆိုရင် ဟာသဇာတ်ရုပ်လေးတွေနဲ့ ပရိသတ်တွေကို ရယ်မောစေတာဖြစ်ပြီး အချိန်ခဏလေးအတွင်းနဲ့လည်း အောင်မြင်မှုတွေ တစ်ခဲနက်ရရှိအောင် ကြိုးစားခဲ့သူပါ။

မိချိုက မြန်မာပြည်ကို ခဏပြန်လာခဲ့တာဖြစ်ပြီး မနေ့က နေ့လည်ခင်းအချိန်မှာတော့ ပညာရေးအတွက် ဂျာမနီကို ပြန်သွားခဲ့ရပါပြီ။ ဂျာမနီကို သွားရတဲ့ သူငယ်ချင်း မိချိုအတွက် Sinonက ဝမ်းသာနေပေမယ့်လည်း ခွဲခွာရတဲ့အတွက် အရမ်းစိတ်မကောင်းဖြစ်နေခဲ့တာပါ။ အဲ့တာကြောင့် Sinonက သူရဲ့ လူမှုကွန်ယက် ဖေ့ဘွတ်အကောင့်မှာ မိချိုနဲ့ နှစ်ယောက်အတူ ပုံလေးတွေကို တင်ပေးလာရင်း " Goodbye My Friend Shine, Ayan chit tal and always take care in Germany see you again one day " ဆိုပြီး ရေးသားလာတာဖြစ်လို့ ပြန်လည်တင်ဆက်ပေးလိုက်ပါရစေ.... ။

သတင်း အရင်းအမြစ်៖ Source - Sinon Loresca 's FB page