Beauty Blogger နေခြည်ဦးလို့ ပြောလိုက်တာနဲ့ ပရိသတ်တွေထဲမှာ မသိသူမရှိသလောက်ရှားပြီး မြန်မာနိုင်ငံရဲ့ အနုပညာရှင်တွေထဲမှာ ဒိတ်ဒိတ်ကြဲ အောင်မြင်တဲ့ သူတစ်ယောက်ပါ။ လှပကျော့ရှင်းတဲ့ မျက်နှာလေးကို ပိုမိုလှပအောင် ပြင်ဆင်ခြယ်သတတ်သူဖြစ်လို့ ပုရိသပရိသတ်အများအပြားရဲ့ အားပေးဝန်းရံမှုကိုလည်း တစ်ခဲနက်ရရှိထားတာပဲ ဖြစ်ပါတယ်။ ဒါ့အပြင် အဆီပိုမရှိတဲ့ ကိုယ်လုံးလေးကြောင့်လည်း အမြဲကြည့်ကောင်းနေသူပါ။
နေခြည်ဦးက အထက်တန်းလွှာ အမျိုးသမီးတစ်ယောက်ဖြစ်လို့ ပိုက်ဆံကို ရေလိုသုံးနိုင်ပြီး တန်ဖိုးကြီး အဝတ်အထည်တွေနဲ့ အသုံးအဆောင်တွေကို အမြဲရွေးချယ်လေ့ရှိတာကိုလည်း ပရိသတ်တွေအသိပဲ ဖြစ်ပါတယ်။ မိသားစုကိုလည်း ပြန်လည်ထောက်ပံ့နိုင်နေပြီဖြစ်တဲ့ နေခြည်က သူမရဲ့ တစ်ဦးတည်းသော ညီမလေးကို လိုလေသေးမရှိအောင် ဂရုစိုက် အချစ်ပိုတတ်တာကိုလည်း တွေ့ရပါတယ်။
အနေအေးပြီး ရိုးရှင်းတဲ့ သူရဲ့ ညီမလေးက အနုပညာအလုပ်တွေ သိပ့်မလုပ်ဖြစ်ပေမယ့် ပရိသတ်အားပေးမှုကိုတော့ တစ်ခဲနက်ရရှိထားတာပါ။ အိမ်မှာနေရင်း တစ်ခါတရံ Tiktok ဆော့ကစားလေ့ရှိတဲ့ စိမ်းလဲ့ရဲ့ ဗီဒီယိုလေးတွေကို နေခြည်က အတူတွဲကာ ရိုက်ကူးလေ့ရှိတာလည်း ဖြစ်ပါတယ် ။ ညီအစ်မတွေ ကကွက်တူညီစွာ ကပြထားတဲ့ အလန်းစား Tiktok ဗီဒီယိုလေးကို ပရိသတ်တွေ ကြည့်ရှုစေဖို့အတွက် ပြန်လည်တင်ဆက်ပေးလိုက်ပါတယ်။ ပရိသတ်တွေကလည်း အဆိုပါ ဗီဒီယိုလေးကို ကြည့်ပြီး ဘယ်သူက အကပိုတော်လဲဆိုတာ ကောမန့်မှာပြောပေးခဲ့ပါအုန်းနော်....။
သတင်း အရင်းအမြစ်៖ Source - Nay Chi Oo's Fb Account
Bong I.T