မြန်မာပြည်သိန်းတန်တို့အိမ် မီးလောင်တာနဲ့ ပတ်သက်ပြီး သူသိထားတဲ့လက်ရှိအခြေအနေကို ပွင့်ပွင့်လင်းလင်းပြောပြလိုက်တဲ့ ဖြိုးမြတ်အောင်

အဆိုတော် ဖြိုးမြတ်အောင်ကတော့ "Myanmar Idol" သီချင်းဆိုပြိုင်ပွဲကြီးကနေ စတင်အောင်မြင်လာခဲ့သူ ဖြစ်ပါတယ် ။ Winner ဆုကြီးကို ထိုက်ထိုက်တန်တန် ဆွတ်ခူးပြီး ပရိသတ်တွေရဲ့ချစ်ခင်အားပေးမှုကို ရရှိခဲ့တဲ့ ဖြိုးမြတ်အောင်က အခုဆိုရင် ဂီတလမ်းကြောင်းပေါ်မှာ ဆက်လက်လျှောက်လှမ်းနေတာ ဖြစ်ပါတယ် ။ ဖြိုးမြတ်အောင်က သီချင်းတွေလည်း ဆက်လက်ဖန်တီးသလို ဖျော်ဖြေပွဲနဲ့ ပွဲအခမ်းအနားတွေမှာလည်း ပါဝင်သီဆိုနေရတာ ဖြစ်ပါတယ် ။

ဒါ့အပြင် ဖြိုးမြတ်အောင်က ကြော်ငြာလေးတွေလည်း လက်ခံရိုက်ကူးရတဲ့အပြင် Live Sale တွေပါ မနားတမ်းရောင်းချနေရတာ ဖြစ်ပါတယ် ။ မာန်မာနကင်းပြီး ရိုးသားဖော်ရွေတတ်တဲ့ ဖြိုးမြတ်အောင်ကို ပရိသတ်တွေအားလုံးက ဝန်းရံအားပေးကြတာ ဖြစ်ပါတယ် ။ ဒီနေ့မှာတော့ ဖြိုးမြတ်အောင်က သူ့ရဲ့ဆရာဖြစ်တဲ့ မြန်မာပြည်သိန်းတန်တို့အိမ်မှာ မီးလောင်တာနဲ့ ပတ်သက်ပြီး သူသိထားတဲ့အခြေအနေလေးကို ပြောပြလာခဲ့တာပဲ ဖြစ်ပါတယ် ။

ဖြိုးမြတ်အောင်က "အားလုံးစိတ်မပူကြပါနဲ့ခင်ဗျာ အန်ကယ်တို့ အေးအေးချမ်းချမ်းပါပဲ " ဆိုပြီး ရေးသားပြောပြထားတာ ဖြစ်ပါတယ် ။ ဆင်မလိုက်တာဝါမှာရှိတဲ့ မြန်မာပြည်သိန်းတန်တို့အိမ်မှာ ဒီနေ့မနက်ပိုင်းက မီးလောင်မှုဖြစ်ပွားခဲ့တဲ့ ပုံရိပ်တွေကလည်း လူမှုကွန်ယက်စာမျက်နှာထက်မှာ အတော်လေးကို ပျံ့နှံ့ခဲ့တာ ဖြစ်ပါတယ် ။ ကဲ မြန်မာပြည်သိန်းတန်တို့ဇနီးမောင်နှံအတွက် စိတ်ပူနေကြတဲ့ ပရိသတ်တွေအားလုံးလည်း စိတ်အေးစေနိုင်ဖို့ ဖြိုးမြတ်အောင်ပြောပြထားတဲ့ လက်ရှိအခြေအနေလေးကို ပြန်လည်မျှဝေပေးလိုက်ရတာပဲ ဖြစ်ပါတယ်နော်။

Source & Photo Credit-Phyo Myat Aung's FB Acc