ဓာတ်ပုံရိုက်ဖို့ အပီအပြင် ပိုစ့်ပေးနေတဲ့ ကျော်ကျော်ရဲ့ အနောက်မှာ လျှာထုတ်ပြောင်ပြရင်း စနောက်နေခဲ့တဲ့ ဆုမြတ်နိုးဦး

အနုပညာလောကမှာ အောင်မြင်မှုအသင့်အတင့်နဲ့ ရပ်တည်နေသူတွေဖြစ်တဲ့ သရုပ်ဆောင် ကျော်ကျော်နဲ့ ဆုမြတ်နိုးဦးတို့ နှစ်ယောက်ကတော့ အရမ်းကို ခင်မင်ရင်းနှီးကြတဲ့သူငယ်ချင်းတွေပါ။ ဗီဒီယိုဇာတ်ကား အများအပြားမှာ ပါဝင်သရုပ်ဆောင်ရင်း ပရိသတ်အားပေးမှုကို ရရှိထားတဲ့ သူတို့က လက်ရှိမှာလည်း အနုပညာလှုပ်ရှားမှုတွေကို အတူတွဲဖက်လုပ်ကိုင်နေတာဖြစ်ပါတယ်။ 

ကျော်ကျော်နဲ့ ဆုမြတ်နိုးဦးတို့က အတူဆုံလိုက်တိုင်း အလွဲလေးတွေလုပ်လေ့ရှိတာဖြစ်ပြီး အခွီ Tiktok ဗီဒီယိုလေးတွေကို ရိုက်ကူးလေ့ရှိတာပါ။ ပရိသတ်တွေကလည်း သူတို့နှစ်ဦးရဲ့ Tiktok ဗီဒီယိုလေးတွေနဲ့ ပုံလေးတွေကို စောင့်ကြည့်အားပေးကြတာဖြစ်ပါတယ်။ မကြာသေးတဲ့ နာရီပိုင်းအချိန်ကလည်း ကျော်ကျော်ရဲ့ ဖေ့ဘွတ်အကောင့်မှာ ​ဆုမြတ်နိုးဦးနဲ့အတူ ပုံလေးတွေကို တင်ပေးလာခဲ့ပါတယ်။

ဒါကတော့ ဓာတ်ပုံရိုက်ဖို့ အပီအပြင် ပိုစ့်ပေးနေတဲ့ ကျော်ကျော်ရဲ့ အနောက်မှာ လျှာထုတ်ပြောင်ပြရင်း စနောက်နေခဲ့တဲ့ ဆုမြတ်နိုးဦးရဲ့ အခွီပုံရိပ်လေးတွေပါ။ သူတို့ သူငယ်ချင်း ၂ယောက်ရဲ့ ပုံလေးတွေအပြင် " နှစ်ယောက်ပုံရိုက်ပီဆို ဘယ်တော့မှ ကောင်းကောင်းမနေတဲ့သူတစ်ယောက် ရှိပါတယ် ဒီည MRTV မှာ ည ခြောက်နာရီသတင်းအပီး ကျနော်တို့နှစ်ယောက်ရဲ့ သုတဝေဖြာသီရိဂေဟာ အစီအစဉ်လေး လာမှာမို့ ကြည့်ရှူအားပေးကြပါဦးနော် " ဆိုတဲ့ စာသားလေးကိုလည်း ရေးသားထားတာပါ။ ပရိသတ်တွေလည်း ကြည့်ရှု့အားပေးနိုင်ဖို့အတွက် အကြောင်းအရာလေးကို ပြန်လည်ဝေမျှပေးလိုက်ပါတယ်နော်။ 

သတင်း အရင်းအမြစ်៖ Source - Kyaw Naing Oo's Fb Account