ဂီတလမ်းကြောင်းပေါ်မှာ အောင်မြင်မှုတွေနဲ့လျှောက်လှမ်းနေတဲ့ နီနီခင်ဇော်ကတော့ ပရိသတ်အများအပြားရဲ့ချစ်ခင်အားပေးမှုတွေကို ရရှိထားတာဖြစ်ပါတယ်။နီနီခင်ဇော်က လက်ရှိမှာလည်း အနုပညာအလုပ်တွေကို ဖြည်းဖြည်းမှန်မှန်လုပ်ဆောင်နေပြီး တက်သစ်စအဆိုတော်လေးတွေကိုလည်း လက်တွဲခေါ်ယူတာဖြစ်ပါတယ်။နီနီခင်ဇော်ရဲ့ ထွက်သမျှသီချင်းတိုင်းကတော့ လူကြီးလူငယ်မရွေးကြိုက်နှစ်သက်ကြလို့ အရမ်းပေါက်နေတာပဲဖြစ်ပါတယ်နော်။
နီနီခင်ဇော်က ဆရာဝန်တစ်ယောက်ဖြစ်ပေမယ့် အနုပညာအလုပ်ကိုဝါသနာပါတာကြောင့် လမ်းကြောင်းတစ်ခုတည်းကိုပဲရွေးချယ်လိုက်တာဖြစ်ပါတယ်။နီနီက မြန်မာဆန်တဲ့အလှအပတွေကိုလည်းပိုင်ဆိုင်ထားလို့ ခေါင်းအစခြေအဆုံး အပြစ်ပြောစရာနေရာမရှိပါဘူးနော်။နီနီခင်ဇော်ကတော့ ပြီးပြည့်စုံတဲ့ခန္ဓာကိုယ်အလှကို အထက်တန်းကျောင်းသူဘဝကတည်းက ပိုင်ဆိုင်ခဲ့တာကြောင့် ကာယအလှမယ်ဆုကိုတောင် ရရှိခဲ့သေးတာဖြစ်ပါတယ်။
နီနီကတော့"သန်မာထွားကြိုင်းတယ် ယဥ်တကိုယ်မယ်~အစချီတဲ့သီချင်းလေးနဲ့ ၂၀၀၅-၂၀၀၆ ခုနှစ်က ပရိသတ်တွေမမြင်ဖူးသေးတဲ့ အထက်တန်းကျောင်းသူဘဝ အမှတ်တရပုံလေးတွေပါ ...ကျောင်းသူဘဝထဲက အားကစားလုပ်ဖို့ မေမေကတိုက်တွန်းပေးခဲ့ပါတယ်။ရေကူး, ကိုယ်ကာယအလှတွေဆော့ခဲ့ရတယ်...၂၀၀၇ ဆယ်တန်းပြီးမှ Melody World အဆိုပြိုင်ပွဲစပြိုင်ဖြစ်တာပါ(ပြိုင်ပွဲတွေပြိုင်ဖူးသမျှ ရဖူးခဲ့တဲ့အမှတ်တရဆုတွေထဲမှာမှ တစ်ချိန်တစ်ခါက ကာယအလှမယ်ဆိုတဲ့ပြိုင်ပွဲလေးတွေလည်းအများကြီးပြိုင်ခဲ့ဖူးလေရဲ့) အခုတော့ သီချင်းအသစ်တွေအသံသွင်းနေတယ် ကျန်တာမသိတော့ဘူး"ဆိုပြီး အမှတ်တရပုံရိပ်လေးတွေကို မျှဝေလာခဲ့တာဖြစ်ပါတယ်နော်။
Source &Photo Credit:Ni Ni Khin Zaw's Facebook page