မော်ဒယ်၊ သရုပ်ဆောင် မင်းသားချောလေး တိုင်ရွန်ကတော့ မိန်းကလေးတိုင်း အားကိုးချင်စရာကောင်းလောက်တဲ့ ဗလတောင့်တောင့်နဲ့ Body အချိုးအစားကို ပိုင်ဆိုင်ထားသူပါ ။ တောင့်တင်းကျစ်လျစ်တဲ့ ကြွက်သားတွေနဲ့ အမိုက်စားတက်တူးတွေကတော့ တိုင်ရွန်ရဲ့ဆွဲဆောင်မှုအရှိဆုံးအချက်လို့ ဆိုနိုင်ပါတယ် ။ ဒါကြောင့်လည်း တိုင်ရွန်က မိန်းမလှလေးတွေ ဝိုင်းဝိုင်းလည်နေတဲ့အထိ သည်းသည်းလှုပ်အားပေးခြင်းခံနေရတာပါနော် ။
အချိန်ကြာလာတာနဲ့အမျှ တစ်နေ့တစ်ခြား ပိုပိုပြီးအောင်မြင်ကျော်ကြားလာတဲ့ တိုင်ရွန်က နေ့တိုင်းမအားမလပ်နိုင်အောင် ရိုက်ကူးရေးတွေဆက်နေတာပဲ ဖြစ်ပါတယ်။ ဒါ့အပြင် အလုပ်ကြိုးစားတဲ့ တိုင်ရွန်က သူရဲ့မိဘနှစ်ပါးအပေါ်မှာလည်း သိတတ်လိမ္မာတဲ့ သားလေးတစ်ယောက် ဖြစ်ပါတယ်။ သူရဲ့ လှုပ်ရှားမှု ပုံရိပ်လေးတွေကိုလည်း ပရိသတ်တွေနဲ့ အဆက်အသွယ်မပြတ်စေရန် အမြဲဖော်ပြလေ့ရှိရာ ပရိသတ်တွေကလည်း သူ့ကိုချစ်လို့ အမြဲစောင့်ကြည့်အားပေးနေတာပါနော်။
အနုပညာ အသစ်အသစ်တွေကိုအမြဲချပြရန် ကြိုးစားနေတဲ့ တိုင်ရွန်က လတ်တလောမှာတော့ သူကိုယ်တိုင် ဒါရိုက်တာလုပ်ကာ အမိုက်စားရိုက်ကူးခဲ့တဲ့ Workout Motivation Video နောက်ကွယ်ကပုံလေးတွေကို ထပ်မံဝေမျှလာတာဖြစ်ပါတယ်။ ဒီဗီဒီယိုလေးက ထွက်ရှိခဲ့တာကြာခဲ့ပြီး ကြည့်ရှုသူတွေများပြားခဲ့တာလည်းတွေ့ရပါတယ်။ ပရိသတ်ကြီးလည်း တိုင်ရွန်ရဲ့ Workout Motivation Video နဲ့ ပုံလေးတွေကို ကြည့်ရှုနိုင်စေရန် မျှဝေပေးလိုက်ပါရစေ။
Source : Tyron Bejay Facebook Account