ဒီဖြစ်ရပ်လေးဟာ အိန္ဒိယနိုင်ငံမှာ ဖြစ်ပွားခဲ့တဲ့ဖြစ်ရပ်လေးတစ်ခုဖြစ်ပြီး တကယ့်ကိုသင်ခန်းစာယူစရာဖြစ်ရပ်တစ်ခုပါပဲ ။ ဖြစ်ပွားပုံကတော့ Nirupama Prajapati လို့ခေါ်တဲ့ ကောင်မလေးဟာ အခြားသော လူတွေနဲ့အတူ ရေစီးအရမ်းသန်တဲ့ မြစ်အပေါ်ပိုင်းနားမှာ Selfie ရိုက်ဖို့ ကြိုးစားနေခဲ့ပါတယ်။အဲ့ဒီနောက်မှာတော့ အနောက်က အမျိုးသားတစ်ယောက်ဟာ Prajapati အနားကိုကပ်လာစဉ် ခြေချော်ပြီး လဲကျကာ သူမကိုတွန်းထုတ်လိုက်သလိုဖြစ်ပြီး Prajapati ဟာ ရေစီးနဲ့အတူ မြောပါသွားခဲ့ပါတယ်။
အဲ့အချိန်မှာတော့ အော်သံကြီးတစ်ခုသာ ကြာခဲ့ရပြီး Prajapati ဟာလည်း ရေစီးနဲ့အတူ ပြောက်ကွယ်သွားခဲ့ပါတယ်။အဲ့ဒီနောက်မှာတော့ သူမရဲ့မိသားစုဝင်တွေနဲ့ သူငယ်ချင်းတွေဟာ တာဝန်ရှိသူတွေနဲ့အတူ Prajapati ကို လိုက်လံရှာဖွေခဲ့ကြပေမယ့် ချက်ခြင်းမတွေ့ခဲ့ကြပါဘူး ။ 22နာရီလောက်ရှာဖွေပြီးမှသာ သူမကျသွားတဲ့နေရာနဲ့ သိပ်မနီးမဝေးက ကျောက်ဆောင်တစ်ခုအနားမှာ သေဆုံးနေတဲ့ Prajapati ရဲ့ အလောင်းကို တွေ့ရှိခဲ့ရပါတယ်။
အလောင်းကိုစစ်ဆေးကြည့်တဲ့အခါမှာတော့ ကျောင်ဆောင်တွေနဲ့ ရိုက်ထားတဲ့ ဒဏ်ရာတွေကိုတွေ့ရပြီး ရေတွေလဲဝင်ထားတာကြောင့် အလောင်းကပွနေခဲ့ပါတယ်။ သူမရဲ့မိသားစုဝင်တွေအနေနဲ့လည်း Prajapati ရဲ့အသက်မရှိတော့တဲ့ အလောင်းကိုမြင်တွေ့ရတာကနေ မျက်ရည်မဆည်နိုင်ဖြစ်ခဲ့ရပေမယ့် Prajapati ရဲ့အသက်က ပြန်ရှင်မလာနိုင်တော့ပါဘူး။Selfie ကောင်းကောင်းလေး တစ်ပုံရဖို့အတွက်နဲ့ မတော်တဆမှုဖြစ်ပြီး အသက်ပေးသွားရတဲ့ Prajapati ရဲ့အဖြစ်ကတော့ တကယ့်ကိုကြေကွဲစရာပါပဲ။
သတင်းအရင်းမြစ်: Daily Mail
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
