ပရိသတ်ကြီးလဲ သိကြတဲ့အတိုင်း ရှေ့ယခင်က အိမ်တွေမှာဆိုရင် လျှို့ဝှက်အခန်းတွေ မြေအောက်တွေကုိ ထွက်ပြေးဖို့နဲ့ ပုန်းခိုဖို့‌ေနရာ‌ေတွမှာ အသုံးပြုလေ့ရှိကြပါတယ်။ ခုဆိုရင်လဲအိမ်ကို ပြန်လည်ပြုပြင်တည်ဆောင်ရင်းနဲ့ မြေအောက်မှာ ရှေးဟောင်းမြို့တော်လို့ထင်ရတဲ့ နေရာကို ရှာဖွေတွေ့ရှိခဲ့ပါတယ်။ ၁၉၆၃ခုနှစ်မှာဖြစ်ပျက်ခဲ့တဲ့ အဖြစ်အပျက်ဖြစ်ပြီး Turkey နိုင်ငံ၊ Nevşehir နယ်မှာရှိတဲ့ အမျိုးသားတစ်ဦးဟာ သူ့အိမ်ကို ပြန်လည်ပြုပြင်တည်ဆောက်ဖို့ နံရံကို လှဲလိုက်တဲ့အချိန်မှာ တွေ့ရှိခဲ့တာပါ။

သူဟာ အစပိုင်းမှာတော့ ပုံမှန်ပဲ နံရံတစ်ချပ်ကိုဖြိုချခဲ့ပါတယ်။ အဲ့နောက်မှာ တွင်းပေါက်တစ်ခုကိုတွေ့ရှိခဲ့ပြီး နောက်ပိုင်းမှာတော့ မရေမတွက်နိုင်တဲ့ လမ်းကြောင်းတွေနဲ့ ဂူတွေကို တွေ့ရှိခဲ့ပါတယ်။ သူလဲ အဲ့လိုလမ်းကြောင်းတွေကို တွေ့ရှိတဲ့အချိန်မှာ ခဏတာ ကြောင်နေခဲ့ပါတယ်။ တကယ်တမ်းသူတွေ့ရှိခဲ့တာဟာ Derinkuyu လို့ခေါ်တဲ့ Turkey မှာရှိတဲ့ ရှေးဟောင်းမြို့တော်လို့ ခေါ်တဲ့နေရာပါ။

Derinkuyu အကြောင်းကို သမိုင်းမှာ အထောက်အထားတွေနဲ့ တွေ့ရှိခဲ့တာဖြစ်ပြီး ခုလိုလဲအပြင်မှာတွေ့ရှိရတော့ လူတွေမသိသေးတဲ့နေရာ ဒါမှမဟုတ် ရှာမတွေ့သေးတဲ့နေရာတွေ များစွာရှိသေးတာကို သိရှိရမှာဖြစ်ပါတယ်။ လမ်းကြောင်းအနေအထားတွေ ကြည့်ရတဲ့ပုံအရ ရှေးတုန်းက သဘာဝဘေးအန္တရာယ်ဖြစ်တဲ့အခါ လူတွေ ဝင်ရောက်နေထိုင်ဖို့ နေရာဖြစ်မယ်လို့ ခန့်မှန်းခဲ့ကြပါတယ်။ ပရိသတ်ကြီးလဲ ပျောက်ကွယ်နေတဲ့ မြေအောက်မြို့တော်တွေအကြောင်းကို သိရှိမယ်ထင်ပါတယ်။

သတင်းအရင်းမြစ်: Ancient City

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။