အရောင် တစ်ခုချင််းစီမှာ အဓိပ္ပါယ်တွေ ရှိကြပါတယ်။ ကိုယ် ဘာအရောင်ကြိုက်လဲ ? ဘယ်လို အဓိပ္ပါယ်ရှိလဲ ? ကိုယ့် ချစ်သူ၊ ကိုယ့်သူငယ်ချင်း၊ ကိုယ့် မိသားစုတွေကရော ဘာအရောင်လေးတွေ ကြိုက်တတ်လဲ? ဒီလို သူတို့ ကြိုက်နှစ်သက်တဲ့ အရာလေးတွေက တစ်ဆင့် သူတို့ စိတ်ထားလေးတွေကိုလည်း သိနိုင်ပါတယ်။ ဒါ့ကြောင့် ဘယ်အရောင်က ဘယ်လို အဓိပ္ပါယ်ရှိလဲ ဆိုတာ လေ့လာကြည့်ရအောင် ….
အနီရောင်
အင်အား ကြီးမားခြင်း၊ စိတ်အား ထက်သန်ခြင်း၊ ထက်မြတ် ဖျတ်လတ်ခြင်း၊ ရည်ရွယ်ချက် ကြီးမားခြင်း၊ ဆုံးဖြတ်ချက် ခိုင်မာခြင်း၊ ရဲရင့်ပြတ်သားခြင်း၊ စိတ်ဆိုးခြင်း၊ ထိတ်လန့်ဖွယ်ကောင်းခြင်း၊ အန္တရယ်ရှိခြင်း … စသည်ဖြင့် သဘောဆောင်ပါတယ်။
အဝါရောင်
ပျော်ရွှင်ခြင်း၊ တောက်ပခြင်း၊ မျှော်လင့်ခြင်း၊ သတိပေးတားမြစ်ခြင်း၊ မရိုးသားခြင်း တို့ကို အဓိပ္ပါယ် ဆောင်ပါတယ်။
လိမ္မေ္မာ်ရောင်
လူမှု ဆက်ဆံရေးကောင်းမွန်ခြင်း၊ အကောင်းမြင်ဝါဒ ရှိခြင်းဆိုတဲ့ အဓိပ္ပါယ်ကို ဖော်ဆောင်ပါတယ်။
အစိမ်းရောင်
တရားမျှတခြင်း၊ ကံကောင်းခြင်း၊ တိုးတက်ဖွံ့ဖြိုးခြင်း၊ အကောင်းမြင်တတ်ခြင်း စသည်ဖြင့် အဓိပ္ပါယ် ဖော်ဆောင်ပါတယ်။
အပြာရောင်
ယုံကြည်ခြင်းနှင့် ငြိမ်းချမ်းခြင်းကို အဓိပ္ပါယ်ဖော်ဆောင်ပါတယ်။
မဲနယ်ရောင်
အလိုလို သိခြင်း၊ စိတ်ကူးယဉ်ခြင်း၊ စိတ်ကူးကောင်းများ ရှိခြင်းတို့ကို အဓိပ္ပါယ်ဖော်ဆောင်ပါတယ်။
ခရမ်းရောင်
စိတ်ကူးပုံဖော်ခြင်း၊ ဖန်တီးမှု အားကောင်းခြင်း စသည်ဖြင့် အဓိပ္ပါယ်ရပါတယ်။
ပန်းရောင်
လှပခြင်း၊ နုပျိုခြင်း၊ သဘာဝအတိုင်း တည်ရှိခြင်း၊ ယုယကြင်နာခြင်း၊ ချစ်ခြင်း စသည်ဖြင့် အဓိပ္ပါယ်ရပါတယ်။
ပန်းခရမ်းရောင်
လိုက်လျောညီထွေမှု ရှိခြင်း၊ စိတ်ခံစားမှု ညီမျှခြင်း စသည်ဖြင့် အဓိပ္ပါယ်ရပါတယ်။
အညိုရောင်
နွေးထွေးမှုပေးခြင်း၊ ကာကွယ်မှု ပေးခြင်း၊ မေတ္တာတရား ကြီးမားခြင်း၊ ယုံကြည်အားထားရခြင်း စသည်ဖြင့် အဓိပ္ပါယ်ရပါတယ်။
ခဲရောင်
ပဟေဠိဆန်ခြင်း၊ နားလည်ရခက်ခြင်း၊ လျှို့ဝှက်ဆန်းကြယ်ခြင်း၊ အသိဉာဏ် ကြွယ်ဝခြင်း၊ ဂုဏ်သိက္ခာ ကြီးခြင်း၊ စသည်ဖြင့် အဓိပ္ပါယ်ရပါတယ်။
ရွှေရောင်
ကျက်သရေ ရှိခြင်း၊ ခန့်ညားခြင်း၊ တန်ဖိုးရှိခြင်း၊ ချမ်းသာ ကြွယ်ဝခြင်း စသည်ဖြင့် အဓိပ္ပါယ် ဖော်ဆောင်ပါတယ်။
အဖြူရောင်
သန့်စင်ခြင်း၊ စင်ကြယ်ခြင်း၊ ဖြူစင်ခြင်း၊ အပြစ်ကင်းမဲ့ခြင်း၊ ပြီးပြည့်စုံခြင်း၊ ရိုးသားခြင်း၊ သန့်ရှင်း သပ်ရပ်ခြင်း စသည်တို့ကို အဓိပ္ပါယ်ဖော်ဆောင်ပါတယ်။
အမဲရောင်
ဝမ်းနည်းခြင်း၊ လျှို့ဝှက်ခြင်း၊ ထိတ်လန့် ကြောက်ရွံ့ဖွယ်ကောင်းခြင်း၊ ထက်မြတ်ခြင်း၊ ကြွယ်ဝခြင်း၊ ခန့်ညား တင့်တယ်ခြင်း စသည်ဖြင့် အဓိပ္ပါယ် ဖော်ဆောင်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
