အဆိုတော်G Fattကတော့ လူငယ်တွေကြားထဲမှာ ရေပန်းစားအောင်မြင်နေတာဖြစ်ပြီး သူ့ရဲ့သီချင်းတိုင်းကလည်းအရမ်းနားထောင်လို့ကောင်းပါတယ်နော်။G Fattက အနုပညာလောကထဲကို ကိုယ့်အားကိုယ်ကိုးပြီး ဝင်ရောက်လာခဲ့ကာ ရိုးသားကြိုးစားတဲ့သူဖြစ်လို့ ပရိသတ်တွေကလည်းဝန်းရံအားပေးခဲ့ကြတာဖြစ်ပါတယ်။G Fattက အရမ်းသဘောထားပြည့်ဝတဲ့သူဖြစ်လို့ ပရိသတ်တွေက သူ့ကိုအမျိုးမျိုးစနောက်ကျီစယ်ကြရင်လည်း စိတ်မဆိုးဘဲအပြုံးလေးနဲ့သာ တုံ့ပြန်တာဖြစ်ပါတယ်။လတ်တလောမှာဆိုရင် G Fattက ခရီးကနေပြန်ရောက်လာပြီး လက်ရှိဖြစ်ပေါ်နေတဲ့ကိစ္စတွေမှာ ပြည်သူလူထုနဲ့အတူ ပူးပေါင်းပါဝင်နေတာဖြစ်ပါတယ်နော်။
G Fattက မန္တလေးကိုရောက်နေစဉ်မှာလည်း လမ်းပေါ်ထွက်ပြီး အနုပညာမောင်နှမတွေနဲ့အတူ အမှိုက်ကောက်အဖွဲ့မှာ တက်ကြွစွာပါဝင်လှုပ်ရှားခဲ့တာဖြစ်ပါတယ်။ရန်ကုန်ပြန်ရောက်တဲ့အခါမှာလည်း ဂီတလမ်းကြောင်းပေါ်ကအနုပညာမောင်နှမတွေနဲ့အတူ လမ်းပေါ်ထွက်ပြီး အားမာန်အပြည့်နဲ့ ပါဝင်နေတာဖြစ်ပါတယ်နော်။G Fattကတော့သူကိုယ်တိုင်လည်း လူငယ်တစ်ယောက်ဖြစ်တဲ့အပြင် နောင်အနာဂတ်လူငယ်တွေရဲ့ရှေ့ရေးအတွက်ပါ ပူပင်ပြီးပြည်သူလူထုနဲ့ တစ်သားတည်းရပ်တည်ကာ တစ်တပ်တစ်အားပူးပေါင်းလိုက်တာဖြစ်ပါတယ်။
အခုဆိုရင်တော့ G Fattက”ချီကွေဗားရား လက်သစ်တွေ တိုက်စစ်ဖွင့်ကြတော့ ငါတို့မျိုးဆက်လည်း ထပ်ကြပ်မခွာတံတိုင်းဆောက်ရတော့တာပါပဲ ယောက်ဖရေ .. မင်းတို့ငါတို့ ဖတ်ဖူးတဲ့သမိုင်းတွေကို မင်းတို့ငါတို့လက်တွေ့ဖြတ်သန်းကြရတဲ့အခါ အုပ်လေးတစ််ချပ် သဲလေးတစ်ပွင့်ဆိုတာထက်တော့ ပိုသင့်တယ်မလား?နေနိုင်သူတွေကိုတော့ ထားလိုက်ပါတော့ကွာ ။ မနေနိုင်သူတွေနဲ့ ရှေ့ဆက်ကြတာပေါ့ ။အမေက ငိုတယ်ကွ ငါ့ကို စိတ်ပူလို့တဲ့ ငါလည်း ငိုတယ်ကွ ငါ့တူလေးအနာဂါတ်ကိုစိတ်ပူလို့ ။”ဆိုပြီး ရေးသားထားတာဖြစ်ပါတယ်။G Fattကတော့ ပြည်သူတွေရဲ့ရှေ့ကနေ မားမားမတ်မတ်ရပ်တည်ပြီး စိတ်ဓာတ်ခွန်အားအပြည့်နဲ့ ရင်ဆိုင်နေတာကြောင့် သူ့ရဲ့ပုံရိပ်တွေကိုပြန်လည်မျှဝေပေးလိုက်ပါတယ်နော်။
Source&Photo Credit:G Fatt’s Facebook Account