လတ်တလောမြန်မာနိုင်ငံအတွင်းမှာ ဖြစ်ပေါ်နေတဲ့ အခြေအနေအရပ်ရပ်ကြောင့် ပြည်သူလူထုအနေနဲ့ တတ်နိုင်တဲ့ဘက်ကနေပါ၀င်ကာ ငြိမ်းချမ်းစွာနဲ့ လှုပ်ရှားမှုတွေပြုလုပ်နေကြတာဖြစ်ပါတယ်။ တဖြည်းဖြည်းနဲ့အရှိန်အဟုန်မြင့်လာတဲ့ လူထုလှုပ်ရှားမှုကြီးဟာဆိုရင် ဒီနေ့မှာဆိုရင် (၁၉)ရက်မြောက်နေ့ကိုရောက်ရှိလာပြီဖြစ်ပြီး တစ်ဆထက်တစ်ဆတိုးပွားလာနေတာကိုလည်း တွေ့ရပါတယ်နော်....။

Photo credit-​ Phway Phway's Facebook page
Photo credit-​ Phway Phway's Facebook page

နိုင်ငံတကာရဲ့စိတ်၀င်စားမှုကိုလည်းခံနေရတဲ့ ဒီလူထုလှုပ်ရှားမှုကြီးမှာဆိုရင် နိုင်ငံကျော်အနုပညာရှင်များစွာလည်းပါ၀င်နေတာဖြစ်ပြီး ပြည်သူချစ်မင်းသမီးလေးဖွေးဖွေးတစ်ယောက်လည်း အားတက်သရောပါ၀င်လုပ်ဆောင်နေတာဖြစ်ပါတယ်။ ဖွေးဖွေးဟာလူထုလှုပ်ရှားမှုတွေစတင်ခဲ့တဲ့ ရက်တည်းကစပြီးပြည်သူတစ်ယောက်အနေနဲ့ ပရိသတ်တွေနဲ့အတူတစ်သားတည်းရပ်တည်ခဲ့တာဖြစ်ပါတယ်နော်.....။

Photo credit-​ Phway Phway's Facebook page
Photo credit-​ Phway Phway's Facebook page

ဒီနေ့မှာဆိုရင်လည်း ဖွေးဖွေးဟာ ပြည်သူလူထုနဲ့အတူ တစ်သားတည်းရပ်တည်ကာ တခြားသောအနုပညာရှင်တွေနဲ့အတူပူးပေါင်းပြီး လူထုလှုပ်ရှားမှုတွေကိုဆက်လက်လုပ်ဆောင်ခဲ့တာဖြစ်ပါတယ်။ ဒီပုံရိပ်လေးတွေကိုလည်း သူမရဲ့ Facebookစာမျက်နှာမှာ "CDMers = HEROES !!! နောက်တပတ်လည်း ရုံး မတက်ကြပါနဲ့ဦး ! CDM ပြည်သူ့ဝန်ထမ်းတွေဘက်မှာ ကျွန်တော်/ကျွန်မတို့ အားလုံး ရှိပါတယ် !!အခု ​ကြောက်​နေရင် ​နောက်မျိုးဆက်​တွေ ​ခေတ်အဆက် ဆက် ​ကြောက်သွားရလိမ့်မယ်!!! အရေးတော်ပုံ အောင်ရမည်....." ဆိုပြီးရေးသားကာတင်ပေးထားခဲ့တာဖြစ်ပါတယ်။ ကဲ......ပရိသတ်ကြီးအတွက် ပြန်လည်မျှဝေပေးလိုက်ပါတယ်နော်။

Photo credit-​ Phway Phway's Facebook page
Photo credit-​ Phway Phway's Facebook page

သတင်းအရင်းမြစ်: Phway Phway's Facebook page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။