လူထုလှုပ်ရှားမှုမှာ မမောနိုင်မပန်းနိုင်ပါဝင်ရင်း တစ်နေ့တစ်နေ့ တစ်ခြားအရာတွေခေါင်းထဲမထည့်နိုင်တဲ့အကြောင်း ပြောပြလာခဲ့တဲ့ နန်းသူဇာ

အပြုံးချိုချိုလေးတွေနဲ့ ပရိသတ်တွေရဲ့ အချစ်ကို သိမ်းပိုက်ထားနိုင်ခဲ့တဲ့ နန်းသူဇာကတော့ အနုပညာလောကမှာ နေရာတစ်ခုကို ရယူထားနိုင်တာဖြစ်သလို အနုပညာအလုပ်တွေကိုလည်း ဆက်လက်လုပ်ကိုင်လျက်ရှိနေတာဖြစ်ပါတယ်။ ပရိသတ်အားပေးမှုကို အခိုင်အမာရယူထားနိုင်တဲ့ နန်းသူဇာကတော့ လက်ရှိဖြစ်ပွားနေတဲ့ ကိစ္စတွေနဲ့ပတ်သက်ပြီး ပြည်သူလူထုနဲ့အတူ ရပ်တည်လျက်ရှိနေခဲ့တဲ့ အနုပညာရှင်တစ်ယောက်ပဲဖြစ်ပါတယ်။

ယခုမှာတော့ နန်းသူဇာတစ်ယောက်ဟာ လူထုလှုပ်ရှားမှုမှာ အားမာန်အပြည့်နဲ့ မမောနိုင်မပန်းနိုင်ပါဝင်ရင်း တစ်နေ့တစ်နေ့ တစ်ခြားအရာတွေခေါင်းထဲမထည့်နိုင်တဲ့အကြောင်း ပြောပြလာခဲ့ပါတယ်။ နန်းသူဇာကတော့ " တစ်နေ့ တစ်နေ့ တခြားအရာ ခေါင်းထဲမထည့်နိုင်ဘူးအရေးတော်ပုံအောင်ဖို့ပဲ စိတ်ရှိတယ်အမေစုရော နေကောင်းရဲ့လား သမ္မတကြီးရော ကျန်းမာရဲ့လား "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။

နန်းသူဇာကတော့ " နေ့တိုင်းအားမလျော့ပဲ ထွက်လာပေးတဲ့လူကြီးလူငယ် မရွေး Gen X,Y,Z အားလုံးကိုကျေးဇူးတင်တယ်သွေးမအေးကြေး ~ “နွေဦး အရေးတော်ပုံ အောင်ရမည်” ကြောက်ခေတ်ကိုပြန်မသွားချင်ဘူး " ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ လူထုလှုပ်ရှားမှုမှာ နေ့စဥ်ပါဝင်နေတဲ့ နန်းသူဇာရဲ့ ချစ်စရာပုံရိပ်လေးတွေကို ပရိသတ်တွေအတွက် ပြန်လည်ဖော်ပြပေးလိုက်ကာ အဆိုပါပုံရိပ်လေးတွေကို အောက်မှာကြည့်နိုင်ပါတယ်။

Source: nann thuzar - နန်းသူဇာ ' s facebook page