လူထောင်သောင်းနဲ့ချီများပြားလွန်းတဲ့ ပြည်သူတွေအတွက် အမောပြေသောက်သုံးဖို့ အအေးတွေကိုယ်တိုင်ဖျော်ပြီးလှူဒါန်းခဲ့တဲ့ ပွင့်နဒီမောင်

ပရိသတ်ကြီးရေ.. ပီပြင်သရုပ်ဆောင်ပိုင်နိုင်မှုတွေနဲ့ အနုပညာလောကမှာ နေရာတစ်ခုအခိုင်အမာရရှိထားသလို စကားပြောပွင့်လင်းမှုတွေကြောင့်လည်း ပရိသတ်တွေရဲ့အားပေးချစ်ခင်နေကြတာသူကတော့ သရုပ်ဆောင်ပွင့်နဒီမောင်ပဲ ဖြစ်ပါတယ်..။

ပွင့်နဒီမောင်ကတော့ ဖေဖော်ဝါရီလ ၂၂ ရက်နေ့က မြန်မာတစ်နိုင်ငံလုံးနီးပါး ဆင်နွှဲခဲ့ကြတဲ့ ၂၂၂၂၂ အရေးတော်ပုံကြီးမှာ ပြည်သူတွေနဲ့အတူ တစ်သားတည်းပါဝင်ရပ်တည်နေခဲ့ပြီး အလှူတွေလည်း ပြုလုပ်ခဲ့တာတွေ့ရပါတယ်နော်..။

ပြည်သူတွေနဲ့အတူ လူထုလှုပ်ရှားမှုတွေပြုလုပ်နေသလို ညနေပိုင်းလေးမှာလည်း ထောင်သောင်းမကများပြားလွန်းတဲ့ ပြည်သူတွေအမောပြေသောက်သုံးဖို့အတွက် သူငယ်ချင်းတွေနဲ့အတူ အအေးတွေကိုယ်တိုင်ဖျော်ပြီးလှူဒါန်းခဲ့တာ ဖြစ်ပါတယ်..။

အနာဂတ်နဲ့ ယုံကြည်ချက်ပန်းတိုင်တွေအတွက် နေပူပူထဲအပင်ပန်းခံကြိုးစားနေကြတဲ့ ပြည်သူတွေအားလုံးနဲ့ထပ်တူ ကိုယ်တိုင်ပါဝင်နေတဲ့ သူမနဲ့အနုပညာမောင်နှမတွေရဲ့ အမှတ်တရပုံရိပ်လေးတွေကိုလည်း ဝေမျှထားပါသေးတယ်..။

"ညနေပိုင်း......

သံဘူး .......

22.2.2021

အားလုံးပေါင်းပြီးလှူခဲ့တာပါ

Gu Gu

Terry Jop

Maythu Aung. ." ဆိုပြီး သူမတို့ရဲ့အလှူလေးကိုလည်း ပွင့်နဒီမောင်က ပြန်လည်ဝေမျှထားတာ ဖြစ်ပါတယ်..။

ကိုယ်ပိုင်အသိစိတ်လေးတွေနဲ့ တာဝန်ကိုယ်စီယူနေကြတဲ့ ပြည်သူတွေနဲ့အတူ ရပ်တည်ကာ တတ်နိုင်သလောက် အားဖြည့်ပါဝင်နေတဲ့ ပွင့်နဒီမောင့်ကိုလည်း ပရိသတ်တွေအားပေးချစ်ခင်နေကြတာလည်း တွေ့ရပါတယ်နော်..။

သတင်း အရင်းအမြစ်៖ Pwint Nadi Maung's Fb Acc