အကယ်ဒမီရွှေကြိုမယ်လေးအဖြစ် အနုပညာလမ်းကြောင်းထက်မှာ လူသိများအောင်မြင်နေသူလေးကတော့ သရုပ်ဆောင် ဆောင်းယွန်းစံပဲ ဖြစ်ပါတယ်။ ဆောင်းယွန်းက MTV တွေမှာ ပါဝင်သရုပ်ဆောင်ခဲ့ပြီး ရုပ်ရှင်ဇာတ်ကားတွေကိုလည်း လက်ခံ ရိုက်ကူးနေတာဖြစ်လို့ ပရိသတ်အားပေးမှုလည်း တစ်ခဲနက်ရရှိထားတာပါနော်။ ဆောင်းယွန်းက သူမရဲ့ အနုပညာလှုပ်ရှားမှုတိုင်းကိုလည်း လူမှုကွန်ယက် ဖေ့ဘွတ်စာမျက်နှာထက်မှာ ဝေမျှလေ့ရှိတာလည်း ဖြစ်ပါတယ်။
လက်ရှိမှာတော့ ဆောင်းယွန်းက ဖြစ်ပေါ်နေတဲ့ အခြေအနေအရပ်ရပ်ကြောင့် အနုပညာလှုပ်ရှားမှုတွေကို ခေတ္တရပ်နားထားပြီး ပြည်သူတွေနဲ့အတူ ပူးပေါင်းရပ်တည်နေခဲ့တာဖြစ်ပါတယ်။ ပူပြင်းလှတဲ့ နွေဦးကာလမှာ နိုင်ငံအကျိူးအတွက် လမ်းပေါ်ထွက်ကာ ရပ်တည်နေတဲ့ ပြည်သူတွေကိုလည်း သူမက တက်နိုင်တဲ့ ဘက်ကနေ ကူညီလှူဒါန်းပေးနေတာကိုလည်း တွေ့ရပါတယ်။ မကြာသေးတဲ့ နာရီပိုင်း အချိန်ကလည်း ဆောင်းယွန်းက သူမရဲ့ ဆိုရှယ်မီဒီယာထက်မှာ ပိုစ့်တစ်ခုဝေမျှလာခဲ့ပါတယ်နော်။
ဒါကတော့ လူထုလှုပ်ရှားမှုပြုလုပ်နေတဲ့ ပြည်သူတွေနဲ့အတူ ပူးပေါင်းရပ်တည်နေတဲ့ ပုံလေးတွေပဲ ဖြစ်ပါတယ်။ ဆောင်းယွန်းက ပုံလေးတွေအပြင် " Day 24 - သွေးမအေးကြေး မနက်ဖြန် သနပ်ခါး Campaign အတွက် Ready နော် နွေဦးတော်လှန်ရေးမှာ ကိုယ်တိုင်ပါဝင်သလိုပြည်သူတွေအတွက် လိုအပ်ချိန်တိုင်း အုတ်တချပ် မဟုတ်ရင်တောင် သဲတပွင့်အနေနဲ့ ပါဝင်ပါရစေ အရေးတော်ပုံ အောင်ရမည် " ဆိုတဲ့ စာသားလေးကိုလည်း ရေးသားထားတာဖြစ်လို့ ချစ်ပရိသတ်တွေ ကြည့်ရှု့စေဖို့အတွက် ပြန်လည်တင်ဆက်ပေးလိုက်ပါတယ်နော်။
သတင်း အရင်းအမြစ်៖ Source - Saung Yoon San's FB account