ဒူဘိုင်း မှာနေထိုင်တဲ့ အသက် ၁၂ နှစ်အရွယ် အိန္ဒိယ မိန်းကလေး တစ်ဦးဟာ ဘာသာစကား ၁၀၂ မျိုးနဲ့ သီချင်းသီဆိုဖျော်ဖြေမှုကို ခြောက်နာရီကျော် ဆက်တိုက်သီဆိုနိုင်ခဲ့တဲ့အတွက် ကမ္ဘာ့ ဂင်းနစ် စံချိန်အသစ် နှစ်ခုကို တစ်ပြိုင်ထဲ ရရှိခဲ့ပါတယ်။အသက် ၁၂ နှစ်အရွယ် Suchetha Satish လို့အမည်ရတဲ့ ကောင်မလေးဟာ ၇ တန်းကျောင်းသူလေးတစ်ဦးလဲဖြစ်ပါတယ်။ သူမဟာ ဘာသာစကားပေါင်းမြောက်များစွာနဲ့ သီချင်းသီဆိုပြီး ကမ္ဘာ့ စံချိန်တင် နိုင်ဖို့ကို လွန်ခဲ့တဲ့ တစ်နှစ်နီးပါးခန့်ကမှ စတင်ကြိုးစားအားထုတ်ခဲ့တာပဲ ဖြစ်ပါတယ်။

Photo Credit:Google
Photo Credit:Google

သီချင်းဆိုဝါသနာရှင်တစ်ဦးဖြစ်တာနဲ့အညီ အရင်ကတည်းက တမီလ်၊ ဟိန္ဒူ၊ မလာယာလမ်၊ အင်္ဂလိပ် ဘာသာစကားတွေနဲ့ သီချင်းသီဆိုနေခဲ့သူဖြစ်ပါတယ်။ဒါ့အပြင်သူမက နိုင်ငံခြားဘာသာစကားတွေနဲ့ ပက်သက်ပြီးလည်း အထူးစိတ်ဝင်စားတာကြောင့် သူတတ်နိုင်သလောက် ထပ်မံလေ့လာပြီး ကမ္ဘာ့စံချိန်သစ်တင်နိုင်အောင် ကြိုးစားခဲ့တာပါ။ ကြိုးစားခြင်းရဲ့ရလဒ်ကြောင့် သူမဟာ ခုချိန်မှာ စံချိန်အသစ်နှစ်ခုကို တပြိုင်တည်း တင်နိုင်ခဲ့သူဖြစ်ပါတယ်။

Photo Credit:Google

၂၀၁၈ ခုနှစ် ဇန်နဝါရီ ၂၅ ရက်နေ့မှာ ပရိသတ်တွေရဲ့အလယ်မှာ ဘာသာစကား ၁၀၂ မျိုးနဲ့ ၆ နာရီ ၁၅ မိနစ်ကြာအောင် ဆက်တိုက်ဖျော်ဖြေနိုင်ခဲ့တဲ့အတွက် ဂင်းနစ်စံချိန်တင်ခဲ့တာဖြစ်ပါတယ်။“သမီးပထမဦးဆုံး စဆိုတဲ့ နိုင်ငံခြားသီချင်းက ဂျပန်သီချင်းပါ၊ အဖေရဲ့ သူငယ်ချင်း ဂျပန်လူမျိုး အရေပြားအထူးကု ဒူဘိုင်းကိုလာလည်တုန်းက သူမဆိုနေတဲ့ ဂျပန်သီချင်းလေးကို သဘောကျလို့ လိုက်သင်ပြီး ဆိုခဲ့တာပါ” ဟု Suchetha က ဆိုပါတယ်။

Photo Credit:Google
Photo Credit:Google

သတင်းအရင်းမြစ်: World Record

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။