ဇာတ်ကားတစ်ကားဖြစ်မြောက်ရေးအတွက် ဇာတ်ဆောင်မင်းသား မင်းသမီးတွေက အဓိက ကျသလို ဇာတ်ပို့သရုပ်ဆောင်တွေကလည်း အပါမဖြစ်တဲ့ အနုပညာရှင်တွေပဲ ဖြစ်ပါတယ်။ အရေးပါတဲ့ ဇာတ်ပို့သရုပ်ဆောင်တွေထဲမှာမှ လမင်းကဗျာကတော့ ပရိသတ်တွေနဲ့ ရင်းနှီးပြီးသားဖြစ်မှာ အသေအချာပါ။ လမင်းကဗျာက ရုပ်ရှင်ဇာတ်ကားအတော်များများမှာ ပါဝင်သရုပ်ဆောင်လေ့ရှိသူဖြစ်ပြီး Photo shooting တွေကိုရိုက်ကူးလေ့ရှိတာကို တွေ့ရပါတယ်။ 

Photo credit - Lamin Kabyar's FB account

ဒါ့အပြင် လမင်းကဗျာက ကိုယ်ပိုင်စီးပွားရေး လုပ်ငန်းတွေကိုလည်း ဦးစီးလုပ်ကိုင်နေတာဖြစ်ပါတယ်။ လက်ရှိမှာတော့ လမင်းကဗျာက ဖြစ်ပေါ်နေတဲ့ အခြေအနေအရပ်ရပ်ကြောင့် အနုပညာလှုပ်ရှားမှုတွေနဲ့ စီးပွားရေး လုပ်ငန်းတွေကို ခေတ္တရပ်နားထားပြီး ပြည်သူတွေနဲ့အတူ ပူးပေါင်းနေတာကို တွေ့ရပါတယ်။ သူမရဲ့ လူမှုကွန်ယက် စာမျက်နှာကတဆင့် လှုပ်ရှားမှု ပုံရိပ်လေးတွေကိုလည်း ပရိသတ်တွေထံ ဝေမျှလေ့ရှိတာဖြစ်ပါတယ်။ 

Photo credit - Lamin Kabyar's FB account

ယနေ့မှာလည်း လမင်းကဗျာက နေပူထဲမှာ အပင်ပန်းခံကာ နိုင်ငံအတွက် ကြိုးစားရပ်တည်နေတဲ့ ပြည်သူတွေကို အလှူဒါနပြုလုပ်နေတာပဲ ဖြစ်ပါတယ်။ အလှူပြုနေတဲ့ ပုံလေးတွေအပြင် "ဒီနေ့လှည်းတန်းမှာ တက်နိုင်သလောက်လေးလှူဖြစ်တယ် လှူတဲ့သူတွေ များလိုက်တာ စတုဒီသာကျွေးနေသလိုပဲ ကျမ်းမာချမ်းသာကြပါစေ လိုရာဆန္ဒတွေလဲအမြန်ဆုံးပြည့်ပါစေ🙏🏻" ဆိုတဲ့ စာသားလေးကိုလည်း ရေးသားထားတာဖြစ်လို့ ချစ်ပရိသတ်တွေ ကြည့်ရှု့စေဖို့အတွက် ပြန်လည်တင်ဆက်ပေးလိုက်ပါတယ်နော်။  

Photo credit - Lamin Kabyar's FB account
Photo credit - Lamin Kabyar's FB account

သတင်းအရင်းမြစ်: Source - Lamin Kabyar's FB account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။