ပရိသတ်ကြီး အဆိုတော်သရုပ်ဆောင်ပန်းရောင်ခြယ်ကတော့ အသံချိုချိုလေးနဲ့သီချင်းကောင်းလေးတွေ များစွာသီဆိုတတ်သလို သရုပ်ဆောင်လည်းကောင်းကာ ဇာတ်လမ်းတွဲတွေလည်းရိုက်ကူးထားတဲ့ ပြည်သူ့အချစ်တော်လေးပါပဲ..။

နူးညံ့သိမ်မွေ့တဲ့နှလုံးသားပိုင်ရှင်မလေး ပန်းရောင်ခြယ်ကတော့ တော်လှန်ရေးမှာအသက်ပေးဆပ်ကာသွေးမြေကျခဲ့ကြရတဲ့ ပြည်သူ့သူရဲကောင်းအတွက်စိတ်ထိခိုက်ပင်ပန်းစွာနဲ့ ဝမ်းနည်းယူကြုံးမရဖြစ်လို့နေတာ တွေ့ရပါတယ်..။

ပန်းရောင်ခြယ်ကတော့ ဖေဖော်ဝါရီရဲ့နောက်ဆုံးနေ့လေးဖြစ်တဲ့ ဖေဖော်ဝါရီ(၂၈)ရက်နေ့က ကျဆုံးသွားတဲ့ GZ လူငယ်သူရဲကောင်းလေးတွေအတွက် ပြုလုပ်ပေးခဲ့ကြတဲ့ ဆုတောင်းပွဲလေးကို ကိုယ်တိုင်သွားရောက်ဦးညွှတ်ခဲ့ပါတယ်..။

ညိုးငယ်ဝမ်းနည်းတဲ့ စိတ်လေးတွေနဲ့ အသီးသီးလာရောက်ခဲ့ကြတဲ့ ဆုတောင်းပွဲလေးကို ပြည်သူတွေနဲ့အတူ ပန်းရောင်ကလည်း ဆုတောင်းစကားလေးဆိုရင်း ဝမ်းနည်းကြေကွဲစွာနဲ့ ကိုယ်တိုင်ကိုယ်ကျ သွားရောက်ဦးညွှတ်ခဲ့တာပဲ ဖြစ်ပါတယ်နော်..။

"အသက်ပေးဆပ်သွားတဲ့ ပြည်သူတွေ ..

ဒဏ်ရာဒဏ်ချက်တွေနဲ့ကျန်ခဲ့ရတဲ့

ငါတို့ပြည်သူတွေရဲ့ နှလုံးသားတွေ ..

TheFallenHeroes

ForOurRightsAndFreedom

HearTheVoiceOfMyanmar. ." ဆိုပြီး ဆုတောင်းပွဲလေးကို သွားရောက်ခဲ့တဲပုံလေးတွေနဲ့အတူ ဝမ်းနည်းကြေကွဲစွာ ရေးသားထားတာလည်း တွေ့ရပါတယ်..။

ပြည်သူ့သူရဲကောင်းတွေအတွက် ပြည်သူပရိသတ်တွေအားလုံး ဝမ်းနည်းယူကြုံးမရဖြစ်ရသလို Myanmarload မှလည်း သူရဲကောင်းတွေ ကောင်းရာသုဂတိလားပြီး အေးချမ်းစွာအနားယူနိုင်ဖို့ ဆုတောင်းပေးလိုက်ပါတယ်..။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။