ပရိသတ်ကြီးရေ သရုပ်ဆောင်တစ်ယောက်ဖြစ်သလို ဆရာဝန်မလေးဖြစ်တဲ့ ပိုးမမှီသာ ကတော့ လတ်တလောမှာ ပြည်သူပြည်သားတွေနဲ့အတူ တစ်သားတည်း အပြည့်အဝရပ်တည်ပေးခဲ့ပြီး တက်နိုင်တဲ့ဘက်ကနေ ကူညီပေးခဲ့သလို တိုင်းပြည်အတွက် တစ်ထောင့်တစ်နေရာကနေ လမ်းမပေါ်ထွက်ပြီး လူထုလှုပ်ရှားမှုမှာ ပါဝင်ခဲ့တာ တွေ့ရပါတယ်။ ယခုမှာဆိုရင် ပိုးမမှီသာ လူထုလှုပ်ရှားမှုမှာ ပါဝင်ရင်း ထိန်းသိမ်းခံရတဲ့ ကျောင်းသူကျောင်းသားတွေကို အမြန်ဆုံးလွတ်မြောက်အောင် ဝန်းရံပေးကြဖို့ တောင်းဆိုလာခဲ့ပါတယ်။

Photo Credit - Poe Mamhe Thar fb Acc
Photo Credit - Poe Mamhe Thar fb Acc

"ဆေးကျောင်းသား ၊ ဆရာဝန်တွေ လွတ်လာပြီဆိုပေမယ့်...UFL ကျောင်းသားတွေ အင်ဂျင်နီယာကျောင်းသားတွေ ဆရာ/ဆရာမတွေ ခုထိမလွတ်သေးဘူးကြားပါတယ် ..မကွေးက မကွေးဆေးကျောင်းသားတွေရော ဝိုင်းပြီးဝန်းရံပေးကြပါဦး အားလုံး တစ်သားတည်းပါ .....ဆေးကျောင်းသားများနည်းတူ အဖမ်းဆီးခံရသူများကို ချွင်းချက်မရှိလွှတ်ပေးပါ.... ကျောင်းသားတိုင်း ဒီအရေးတော်ပုံမှာပါဝင်တဲ့ သူတိုင်း တန်ဖိုးရှိပါတယ် ....ကျောင်းသားတွေ ဖမ်းဆီးခံရသူတွေ ရှေ့မှာ ဆရာကြီးတွေ မရပ်ပေးနိုင်တဲ့အခါ ကိုယ်ကျောင်းသားအချင်းချင်း ပြည်သူအချင်းချင်းက ဖိအားပေးပြီးရပ်တည်ပေးကြရမှာပါ .....

Photo Credit - Poe Mamhe Thar fb Acc
Photo Credit - Poe Mamhe Thar fb Acc

လွတ်လာပုံလေးအကူအညီရလိုရငြားပါ .....ဆေးကျောင်းကတော့ နီးစပ်ရာတွေကနေ ဖမ်းဆီးခံရသူစာရင်းကို ကျောင်းသမဂ္ဂက သေချာအတိအကျစုပါတယ် ......အချုပ်ကားနောက်က မျက်ချေမပျက်လိုက်တဲ့သူလိုက်ရင်း ဘယ်ပါသွားမလဲ ထောက်လှမ်းပါတယ် .....နေရာသိရပြီဆိုတဲ့အခါ ရှေ့နေတွေရယ် ကျောင်းနဲ့သက်ဆိုင်ရာဆရာကြီး ဆရာမကြီးတွေရယ်က လိုက်လာပြီးရအောင်ကြိုးစားပါတယ် ...သိတဲ့နေရာကိုအကုန်ဝန်းရံရင်း အားလုံးကလည်း pressure ဝိုင်းပေးရင်းနဲ့ လွတ်လာတာပါ " ဆိုပြီး ရေးသားပါတယ်။ ကဲ...ပရိသတ်ကြီးလည်း ထိန်းသိမ်းခံရတဲ့ ကျောင်းသူ၊ကျောင်းသားတွေအတွက် အပြည့်အဝ ရပ်တည်ပေးလိုက်ပါဦး။

သတင်းအရင်းမြစ်: Source - Poe Mamhe Thar fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။