ပရိသတ်တွေရဲ့အားပေးချစ်ခင်မှုကို အခိုင်အမာရယူထားနိုင်ခဲ့တဲ့ တိုင်ရွန်ကတော့ အနုပညာလောကမှာ နေရာတစ်ခုကိုရယူထားနိုင်သူတစ်ယောက်ဖြစ်သလို ​ကြော်ငြာတွေကိုလည်း ရိုက်ကူးခဲ့တဲ့ အနုပညာရှင်တစ်ယောက်ပဲဖြစ်ပါတယ်။ လူထုလှုပ်ရှားမှုတွေမှာ စိတ်အားထက်သန်မှုအပြည့်နဲ့ ပါဝင်လျက်ရှိနေတဲ့ တိုင်ရွန်ကတော့ အမှန်တရားဘက်ကနေ ပြည်သူတွေနဲ့အတူ ရပ်တည်လျက်ရှိနေတဲ့ ပြည်သူချစ်အနုပညာရှင်တစ်ယောက်ပဲဖြစ်ပါတယ်။ 

တိုင်ရွန်ကတော့ မနေ့ကလူထုလှုပ်ရှားမှုမှာ အသက်ပေးခဲ့ရသူတွေအတွက်လည်း စိတ်မကောင်းဖြစ်မိကြောင်း လူမှုကွန်ယက်ထက်မှာ ရေးသားထားခဲ့ပါသေးတယ်။ တိုင်ရွန်ကတော့ ယခုမှာ လူထုလှုပ်ရှားမှုပြုလုပ်နေကြတဲ့ ပြည်သူတွေများစွာရဲ့ရှေ့ကနေ ဒိုင်းတွေနဲ့ မမောနိုင်မပန်းနိုင်ကာကွယ်ပေးနေခဲ့ပါတယ်။ သူကတော့ ပြည်သူတွေထိခိုက်မှုနည်းအောင် ခင်မင်ရတဲ့သူငယ်ချင်းတွေနဲ့အတူ နေ့စဥ်ရက်ဆက် ကာကွယ်ပေးနေသူတစ်ယောက်ပဲဖြစ်ပါတယ်။ 

တိုင်ရွန်ကတော့ " ဘယ်သူမှ လာမကူညီလည်း တို့ပြည်သူတွေ ရှိတယ် နောက်ဆုံးထိ ရသလို မီးစင်ကြည့်ကရမှာဘဲ Gen Y "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ လူထုလှုပ်ရှားမှုပြုလုပ်နေကြတဲ့ ပြည်သူတွေကို တတ်နိုင်သလောက်ကာကွယ်ပေးနေတဲ့ တိုင်ရွန်ရဲ့ ပုံရိပ်လေးတွေကို ချစ်ပရိသတ်တွေအတွက် ပြန်လည်ဖော်ပြပေးလိုက်ရပါတယ်။ မြန်မာပြည်သူပြည်သားတွေအားလုံး ဘေးရန်ကင်းရှင်းပြီး စိတ်ချမ်းသာတဲ့ နေ့ရက်တွေပိုင်ဆိုင်ပါစေကြောင်း ဆုမွန်ကောင်းတောင်းပေးလိုက်ပါတယ်။ 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။