အသက်ပေးသွားခဲ့ကြတဲ့သူရဲကောင်းတွေအတွက်ဝမ်းနည်းနေရပြီး ကျန်ရစ်သူမိသားစုအတွက်အလှူငွေတွေလှူဒါန်းဖို့ဆက်သွယ်စုံစမ်းနေတဲ့ စမိုင်းလ်

သရုပ်ဆောင်  မင်းသမီးချောလေး စမိုင်းလ်ကတော့  အလှူအတန်းတွေမှာလည်း  ရက်ရက်ရောရော လှူဒါန်းသူတစ်ယောက်ဖြစ်တာကြောင့်  ပရိသတ်တွေက  လေးစားအားကျနေကြတာလည်း  ဖြစ်ပါတယ်။  လတ်တလောဖြစ်ပေါ်နေတဲ့ လူထုလှုပ်ရှားမှုတွေမှာလည်း  ကျရာအခန်းကဏ္ဍကနေ  ပြည်သူတွေနဲ့အတူ  ပူးပေါင်းပါဝင်နေတာလည်း  ဖြစ်ပါတယ်။  လမ်းပေါ်ထွက်ကာ  ဆန္ဒအမှန်တရားတွေကို ထုတ်ဖော်နေတဲ့ ပြည်သူတွေအတွက်လည်း  စားစရာ၊သောက်စရာများကို  နေ့စဉ်လှူဒါန်းပေးနေတာလည်း  ဖြစ်ပါတယ်။

နေ့စဉ်ဘုရားဝတ်ပြုတဲ့အခါတိုင်းမှာလည်း  မြန်မာပြည်ကြီး  အမြန်ဆုံးအေးချမ်းပြီး  ဖမ်းဆီးခံထားရသူတွေ  ပြန်လွတ်ဖို့ဆုတောင်းပေးနေတာလည်း  ဖြစ်ပါတယ်။ ဒီတော်လှန်ရေးတွင် အသက်ပေးသွားကြတဲ့သူရဲကောင်းတွေအတွက်လည်း  ယူကြုံးမရဝမ်းနည်းနေပြီး   တတ်နိုင်သလောက်  ကူညီလှူဒါန်းပေးဖို့အတွက်လည်း  စီစဉ်နေတာလည်း  ဖြစ်ပါတယ်။  မကြာသေးခင်  နာရီပိုင်းလောက်ကလည်း  စမိုင်းလ်ရဲ့ လူမှုကွန်ယက်စာမျက်နှာမှာ ကွယ်လွန်သွားခဲ့ကြတဲ့  သူရဲကောင်းတွေရဲ့ မိသားစုနဲ့ထပ်တူဝမ်းနည်းနေရကြောင်းကို   ရေးသားထားတာပဲ  ဖြစ်ပါတယ်။

"အသက်ပေးသွားတဲ့သူရဲကောင်းများအားလုံးရဲ့မိသားစုတွေနဲ့ထပ်တူဝမ်းနည်းကြေကွဲရပါတယ်။ အပြစ်မဲ့တဲ့ပြည်သူတွေထပ်ပြီးမဆုံးရှူံးပါရစေနဲ့တော့?

ကျန်ရစ်သူမိသားစုများအားလုံးအတွက်အလှူငွေလေးလှူဒါန်းချင်လို့ဘယ်လိုဆက်သွယ်ပြီးလှူဒါန်းလို့ရလဲရှင့်ကူညီပေးကြအုန်း??" ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက်  ဒီသတင်းလေးကို  တစ်ဆင့် ပြန်လည်ကူးယူတင်ဆက်ပေးလိုက်ရပါတယ်နော်။  တော်လှန်ရေးမှာ အသက်ပေးသွားခဲ့ကြရတဲ့  သူရဲကောင်းတွေလည်း  ကောင်းရာဘုံဘဝသို့ ရောက်ရှိပါစေလို့ ဆုတောင်းလိုက်ရပါတယ်။

Source and Photo Crd-Smile’s Facebook Page