ဇာတ်ပို့သရုပ်ဆောင်တစ်ယောက်အဖြစ် အနုပညာအလုပ်တွေကို တစ်ခေတ်တစ်ခါကတည်းက လုပ်ဆောင်ခဲ့တဲ့အေးသီတာကတော့ အခုချိန်ထိလည်း အနုပညာလောကထဲမှာကျင်လည်နေဆဲပဲဖြစ်ပါတယ်။အေးသီတာကမြန်မာနိုင်ငံမှာ COVID-19 ကူးစက်ရောဂါတွေပြန့်ပွါးချိန်ကနေစပြီး အခုချိန်ထိ အနုပညာအလုပ်တွေကို ရပ်နားထားတာဖြစ်ပါတယ်။အေးသီတာကတော့ မိသားစုဝမ်းရေးအတွက် သူမတတ်ကျွမ်းတဲ့အချက်အပြုတ်နဲ့ မုန့်ဟင်းခါးချက်ပြီး ရောင်းချနေတာဖြစ်ပါတယ်။အေးသီတာရဲ့ မုန့်ဟင်းခါးကလည်း စားသုံးသူတွေများပြားပြီး လအနည်းငယ်အတွင်းမှာပင် ရောင်းအားတက်လာတာဖြစ်ပါတယ်နော်။
အခုလိုကာလမှာတော့ အေးသီတာကလည်း သူမရဲ့စီးပွါးရေးကို ခဏရပ်နားထားပြီး ပြည်သူတွေနဲ့အတူတစ်စိတ်တစ်ဝမ်းတည်း ရှိနေတာဖြစ်ပါတယ်။အေးသီတာကတော့ ပြည်သူလူထုနဲ့အတူ တတ်နိုင်သလောက် လမ်းပေါ်ထွက်ပြီး လူထုလှုပ်ရှားမှုတွေမှာ ပူးပေါင်းပါဝင်နေတာဖြစ်ပါတယ်နော်။အေးသီတာကလည်း လမ်းပေါ်ထွက်နေကြတဲ့ ပြည်သူလူထုကိုအိမ်အပြန်အဆင်ပြေအောင်လို့ Free Driveလိုက်ပို့ပေးပြီး တတ်အားသ၍ကူညီဖေးမပေးတာဖြစ်ပါတယ်။ပြည်သူလူထုအချင်းချင်းကလည်း အပြန်အလှန်ရိုင်းပင်းကူညီကြလို့ ဒီကာလမှာ စားသောက်ရေးနဲ့သွားလာရေးတွေ မပူရပါဘူးနော်။
လတ်တလောမှာဆိုရင်တော့ အမြို့မြို့၊အနယ်နယ်မှာရှိကြတဲ့ လူထုလှုပ်ရှားမှုတွေမှာ တချို့လူငယ်တွေကတော့အသက်ပေးသွားရပြီဖြစ်ပါတယ်။မြန်မာပြည်သူ၊ပြည်သားတွေကလည်း ကျဆုံးသွားတဲ့လူငယ်တွေအတွက်ဆုတောင်းပွဲတွေပြုလုပ်ပေးကြပြီး ကျန်ရစ်သူမိသားစုအတွက်လည်း တစ်တပ်တစ်အားလှူဒါန်းကြတာဖြစ်ပါတယ်။အေးသီတာကတော့”ကျွန်မ မှာ ၁၄ နှစ်ရှိတဲ့တူ သားတစ်ယောက်ရှိတယ်။ကိုယ့်ဝမ်းနဲ့မလွယ်ဘဲ မွေးကျွေးခဲ့ရတဲ့ သားသမီး၊တူ၊တူမတွေရှိတယ်။ကလေး ၁ယောက်ဖြစ်တိုင်း နှလုံးသားကနာကျင်တယ်။ငါ့တို့အမေတွေရဲ့နှလုံးသားကို ဝင်ကြည့်စမ်းပါ။”ဆိုပြီး သူမရဲ့ခံစားချက်ကို ရေးသားမျှဝေလာတာဖြစ်ပါတယ်နော်။
Source&Photo Credit:Aye Thida’s Facebook Acc