စမ်းချောင်းမြို့နယ်တွင် ဖြိုခွင်းမှုပြီးချိန် အကာအကွယ်များ ပြန်လည်ပြုလုပ်

စမ်းချောင်းမြို့နယ်‌တွင် မွန်းလွဲပိုင်းလောက်တုန်းက ငြိမ်းချမ်စွာ ဆန္ဒပြနေတဲ့ပြည်သူတွေရဲ့ အကာအကွယ်များကို ဘူဒိုဇာကားဖြင့် ဖြိုဖျက်ကာ အင်အားအလုံးအရင်းနဲ့ ဆန္ဒပြ ပြည်သူတွေကို ဖြိုခွင်းခဲ့ပါတယ်။ သို့သော်လဲပြည်သူတွေဟာ ဖြိုခွင်လိုက်တိုင်း ပြိုကွဲသွားတက်ကြမှာမဟုတ်ပါဘူး။ ဒါကြောင့် စမ်းချောင်းမြို့နယ်ရဲ့ လမ်းထဲတွေမှာ ငြိမ်းချမ်းစွာ ဆန္ဒထုတ်ဖော်နေတဲ့ ပြည်သူတွေဟာ အင်အားအလုံးအရင်းဖြင့် ဖြိုခွင်းမှုတွေပြုလုပ်ပြီးနောက် ပျက်စီးသွားသည့် အကာအကွယ်များကို ပြန်လည်ပြင်ဆင်ပြုလုပ်လာတာကို တွေ့ရပါတယ်။

ရှေ့တန်းဒိုင်းကာသမားတွေကလည်း အကာအကွယ်တွေပြန်ယူကာ ရှေ့တန်းကိုပြန်လည်ထွက်လာကြပြီး၊ အကာအကွယ်အတွက် သဲအိတ်များကို ပြန်လည်ပြင်ဆင်ထုတ်ပိုးပြီး တစ်ဦးနှင့်တစ်ဦး ကာကွယ်ပေးနေရတဲ့အခြေအနေဖြစ်ပါတယ်။ ဖြိုခွင်းမှုတွေရှိနေပေမယ့်လည်း ပြည်သူအချင်းချင်းထိခိုက်သူများကို ဆေးဝါးကုသပေးတာတွေ၊ အားတင်းစကားပြောကြားပေးတာတွေရှိပြီး၊ ခွန်အားဖြည့်သီချင်းများကို သံပြိုင်သီဆိုရင်း စိတ်ဓာတ်ခွန်အားပြန်မြှင့်နေကြရတာဖြစ်ပါတယ်။ ခုလိုမ‌ျိုး ပြည်သူတွေရဲ့ အပြုအမှုတွေဟာ တကယ်ကို လေးစားဖို့ကောင်းပါတယ်။

ကျဆုံးသွားသူတွေအတွက်လဲ ပြည်သူတွေဟာ သူတို့ငြိမ်းချမ်းစွာ အနားယူနိုင်အောင် ခုချိန်ထိ မလျော့သောဇွဲနဲ့ မြို့နယ် နေရာအသီးသီးမှာ ခုခံနေကြပါတယ်။ ဒါကြောင့်ပဲခုလိုအခြေအနေတွေကနေ တစ်နေ့ ငြိမ်းချမ်းမှုကို ရရှိကြတော့မှာပါ။ စမ်း‌ချောင်းက ပြည်သူတွေ အကာအကွယ် အတားအဆီးတွေကို ပြန်လည်ပြုလုပ်နေတဲ့ပုံကို ဖော်ပြလိုက်ပါတယ်။