ပရိသတ်ကြီးရေ .....အဆိုတော်သရုပ်ဆောင် တစ်ဦးဖြစ်တဲ့ ပန်းရောင်ခြယ်ကတော့ အသံချိုချိုအေးအေးလေးနဲ့ သီချင်းကောင်းတွေ များစွာကို သီဆိုဖျော်ဖြေလေ့ ရှိတာ ဖြစ်ပြီး အခုနောက်ပိုင်းတွင် ရုပ်ရှင်ဇာတ်လမ်းတွဲတွေကိုပါ ရိုက်ကူးလာတဲ့ အနုပညာရှင် တစ်လက်ပဲဖြစ်ပါတယ်။ပန်းရောင်က လတ်တလော ဖြစ်ပွားနေတာတွေနဲ့ ပက်သက်ပြီး နွေဦးတော်လှန်ရေးမှာ ကျဆုံးသွားတဲ့ နိုင်ငံ့သူရဲကောင်းတွေ အတွက် စိတ်မကောင်းဖြစ်ကာ ဝမ်းနည်းပူဆွေး နေတာလည်း တွေ့ရပါတယ်။
လူထုလှုပ်ရှားမှုတွေမှာလည်း ပန်းရောင်က ပြည်သူတွေနဲ့ တစ်သားတည်း ရဲဝင့်စွာ ပူပေါင်းပါဝင် အားဖြည့်နေတာ ပဲဖြစ်ပါတယ်။အခုလို ဖြစ်နေတဲ့ အချိန်တွင် ပြည်သူတွေ အတွက် အလှူ အတန်းတွေကို ပန်းရောင်က သူမတတ်နိုင်တဲ့ဘက်ကနေ တတ်အားသရွေ့ပါဝင်လှူဒါန်းနေတာ ဖြစ်ပါတယ်။ဒီနေ့မှာဆိုရင်လည်း ပန်းရောင်က လမ်းမထက်တွင် ရင်ထဲအေးမြစေတဲ့ ရေခဲချောင်းတွေကို လှူဒါန်းရင်း အုတ်တစ်ချက်သဲတစ်ပွင့်အနေနဲ့ ပါဝင်နေကြောင်းကို သူမရဲ့ လူမူကွန်ယက် စာမျက်နှာထက်တွင် အခုလိုရေးသားဖော်ပြလာတာတ ဖြစ်ပါတယ်။
"လမ်းမှာ vicee နဲ့ ရေခဲချောင်း ဝေမျှရင်း သဲတစ်ပွင့်စာလေး ပါဝင်ခွင့်ရခဲ့ပါတယ်။ ကိုယ့်ဆီ ဝေမျှလိုက်တာတွေလဲ အကုန်ယူလာပါတယ်။ပန်းရောင် တတ်အားသ၍ CDM လုပ်ဆောင်နေတဲ့ ဝန်ထမ်းတစ်ဦးအတွက် ဂုဏ်ပြုငွေလေးရယ်၊ CDM ဝန်ထမ်းအိမ်ရာတစ်ခုအတွက် ဆန်အိတ်လေးတွေရယ်၊ အသက်ပေးသွားတဲ့ မြောက်ဥက္ကာလာကအာဇာနည်တွေရဲ့ နာရေးအတွက်အကူငွေ သဲတစ်ပွင့်စာ ဝေမျှလိုက်ပါတယ်။ အခုအချိန်မှာ ပြည်သူတွေအတွက် အချင်းချင်းပဲရှိကြတာမို့ ကိုယ့်အတွက်ရော ကိုယ်ချစ်တဲ့သူတွေအတွက်ရော အားလုံးကျေးဇူးပြု၍ အရာရာအထူးဂရုစိုက်ကြပါ။ အပြင်တစ်လှမ်းထွက်မယ်ဆို mask တပ်ထားဖို့ နဲ့ တတ်နိုင်သလောက် အကာအကွယ်တွေပြင်ဆင်လာဖို့လဲမမေ့ပါနဲ့။ ပြည်သူအားလုံး အမြဲဘေးကင်းကျန်းမာကြပါစေ။"ဆိုတဲ့ စာသားကို ရေးထားတာပဲ ဖြစ်ပြီး ပရိသတ်တွေ သိရှိရအောင် ပြန်လည်ကူးယူ ဝေမျှပေးလိုက်ပါတယ်။
သတင်း အရင်းအမြစ်៖ Pan Yaung Chel FB Page