လူထုလှုပ်ရှားမှုလုပ်ရင်းကြွေလွင့်သွားရှာတဲ့ ပြည်သူ့သူရဲကောင်းလေးမောင်ထက်ဝေထူးအတွက် အလှူငွေတွေလှူဒါန်းလိုက်တဲ့ ချယ်ရီသင်း

ပရိသတ်ကြီးရေ.. အသံချိုချိုအေးအေးလေးနဲ့ သီချင်းကောင်းလေးတွေများစွာသီဆိုတတ်တဲ့ အဆိုတော်ချယ်ရီသင်းကတော့ ဂီတလမ်းကြောင်းမှာ ပရိသတ်အခိုင်အမာနဲ့ အောင်မြင်စွာရပ်တည်နေတဲ့အနုပညာရှင်တစ်ဦးပဲ ဖြစ်ပါတယ်..။

ချယ်ရီသင်းဟာ လက်ရှိအခြေအနေတွေမှာ ကိုယ်တိုင်ကလည်း လမ်းပေါ်ထွက်လှုပ်ရှားမှုတွေ ပြုလုပ်နေသလို တော်လှန်ရေးတိုက်ပွဲကြီးမှာ လူထုလှုပ်ရှားမှုတွေပြုလုပ်ရင်း ကျဆုံးသွားတဲ့ သူရဲကောင်းပြည်သူတွေအတွက်လည်း လှူဒါန်းမှုတွေ ပြုလုပ်နေသူလေးလည်း ဖြစ်ပါတယ်..။

ပြီးခဲ့တဲ့ရက်တွေကတည်းက နွေဦးတော်လှန်ရေးမှာအသက်ပေးသွားကြတဲ့ပြည်သူတွေအတွက် ဖေးမကူညီမှုတွေနဲ့ လှူဒါန်းမှုတွေပြုလုပ်နေသလို Video Call ခေါ်ပြီးတော့လည်း အားပေးစကားလေးတွေ ကိုယ်တိုင်ပြောပြီး နှစ်သိမ့်အားပေးတာလည်း တွေ့ရပါတယ်..။

ပြည်သူတွေနဲ့အတူရပ်တည်နေတဲ့ ချယ်ရီသင်းဟာ ဒီကနေ့လေးမှာတော့ လူထုလှုပ်ရှားမှုတွေလုပ်ရင်းကျဆုံးသွားတဲ့ မော်လမြိုင်ကပြည်သူ့သူရဲကောင်းလေး မောင်ထက်ဝေထူးရဲ့ ဈာပနလေးမှာလည်း အလှူငွေတွေလှူဒါန်းကာ ဖေးမကူညီခဲ့ပါတယ်..။

"မော်လမြိုင်ကဆုံးသွားတဲ့မောင်လေး ထက်ဝေထူးအတွက်ပြည်တွင်းပြည်ပမှစေတနာရှင်များလှူဒါန်းထားတဲ့အလှူငွေထဲမှ (၅)သိန်းကျပ်ကိုမောင်လေးရဲ့ဖေဖေ့စီအရောက်လှူဒါန်းပြီးပါပြီ

အိမ်အထိသွားရောက်အလှူငွေပို့ပေးတဲ့ မောင်လေးထူးပိုင်ကိုလည်းကျေးဇူးတင်ပါတယ်?

ကောင်းရာသုကတိလားပါစေကွယ်?.." ဆိုပြီး သူမက ဆုတောင်းစားလေးနဲ့အတူ မျှဝေထားတာပါ..။

အဲ့ဒီပို့စ်ရဲ့အောက်မှာတော့ ချယ်ရီသင်းတို့ရဲ့အလှူလေးကို ပရိသတ်တွေကသာဓုခေါ်ကြသလို ကွယ်လွန်သွားတဲ့ တော်လှန်ရေးသူရဲကောင်းလေး မောင်ထက်ဝေထူးအတွက်လည်း ကြေကွဲစွာဆုတောင်းစကားလေးတွေ ဆိုထားကြတာ တွေ့ရပါတယ်..။

သတင်း အရင်းအမြစ်៖ Cherry Thin's Fb Acc