ဦးခေါင်းကို ကျည်ထိကာ ကြွေလွင့်ခဲ့ရတဲ့ ပြည်သူ့ သူရဲကောင်း မောင်လေး ဖိုးချစ်ရဲ့ နာရေးအတွက် အလှူငွေ ၁၀သိန်း ပေးအပ်ခဲ့တဲ့ ခိုင်နှင်းဝေ

ပရိသတ်ကြီးရေ သရုပ်ဆောင် မင်းသမီးကြီး ခိုင်နှင်းဝေကတော့ ပရဟိတ စိတ်ဓာတ်ပြင်းထန်သူ ပီပီ လူထုလှုပ်ရှားမှုမှာ ကျဆုံးခဲ့ရတဲ့ ပြည်သူ့သူရဲကောင်းတွေကို ငွေကြေးအင်အားနဲ့ ကူညီထောက်ပံ့ပေးတာဖြစ်ပါတယ်။ ၂၀၂၁ ခုနှစ် ဖေဖော်ဝါရီလ ၁ရက်နေ့ကတည်းက ပြောင်းလဲခဲ့တဲ့ နိုင်ငံရေးအခြေအနေတွေမှာ တစ်တပ်တစ်အားပါဝင်ခဲ့တဲ့ ခိုင်နှင်းဝေက သူမရဲ့ လူမှုကွန်ယက် ဖေ့ဘွတ်စာမျက်နှာထက်မှာလည်း ပိုစ့်တွေတင်ပေးလေ့ရှိတာပါ။ 

ခိုင်နှင်းဝေက လက်ရှိ ဖြစ်ပေါ်နေတဲ့ နိုင်ငံရေးအပြောင်းအလဲကြောင့် ပြည်သူလူထုတွေ လမ်းပေါ်ထွက်ကာ ရပ်တည်နေတဲ့အပေါ်မှာလည်း သူမက တစ်သားတည်းဝန်းရံပေးခဲ့ပါသေးတယ်။ ဒါ့အပြင် ခိုင်နှင်းဝေက လူထုလှုပ်ရှားမှုကြီးမှာ အသက်ပေးကာ သေဆုံးခဲ့ရတဲ့ ပြည်သူ့ သူရဲကောင်းတွေရဲ့ ကျန်ရှိတဲ့ မိသားစုဝင်တွေအတွက်လည်း တတ်နိုင်တဲ့ ဘက်ကနေ ငွေကြေးအင်အားနဲ့ ပေးအပ်ခဲ့တာလည်း ဖြစ်ပါတယ်။

ယနေ့မှာလည်း ခိုင်နှင်းဝေက မြောက်ဥက္ကလာ လူထုလှုပ်ရှားမှုမှာ ဦးခေါင်းကို ​ကျည်ထိကာ အသက်သေဆုံးခဲ့ရတဲ့ မောင်ဖိုးချစ်ရဲ့ နာရေးအတွက် အလှူငွေကို ကိုယ်တိုင်သွားရောက်ပေးအပ်ခဲ့ပါတယ်။ အလှူငွေပေးအပ်ခဲ့တဲ့ ပုံတွေအပြင် ခိုင်နှင်းဝေက " မြောက်ဥက္ကလာ မှာ ကျည်ထိမှန် ပြီး ကျဆုံးသွားသော ကိုဖိုးချစ် ၏ နာရေး အတွက် အလှုငွေ (၁၀)သိန်းကျပ်ကို လှူဒါန်းပေးခဲ့ပါတယ်...မိသားစုတွေရဲ့ အပူတွေ မငြိမ်းနိုင်ပေမဲ့ ကျမတို့ တတ်နိုင်တာလေး နဲ့ အားဖြည့် ကူညီပေးခဲ့ပါတယ်..ကောင်းရာ သုဂတိ လားပါစေ ရှင် " ဆိုတဲ့ စာသားကိုလည်း ရေးသားလာတာပါ။ အဆိုပါ စာသားနဲ့ ခိုင်နှင်းဝေရဲ့ ပုံတွေကို ပရိသတ်တွေကြည့်ရှုစေဖို့အတွက် ပြန်လည်တင်ဆက်ပေးလိုက်ပါတယ်။ 

သတင်း အရင်းအမြစ်៖ Source - Khine Hnin Wai's FB account