သရုပ်ဆောင် မင်းသမီး ပိုးမမှီသာကတော့ ကြော်ငြာတွေရိုက်ကူးရင်းနဲ့ ပရိသတ်တွေသတိထားမိလာပြီး အနုပညာလှုပ်ရှားမှုတွေ ဆက်တိုက်လုပ်ဆောင်နေတာလည်း ဖြစ်ပါတယ်။ သူမကတော့ လက်ရှိမြန်မာနိုင်ငံတွင် ဖြစ်ပေါ်နေတဲ့ လူမှုလှုပ်ရှားမှုတွေကို ပြည်သူတွေနဲ့အတူ တက်ကြွစွာ ပါဝင်လှုပ်ရှားနေတာလည်း ဖြစ်ပါတယ်။ သူမရဲ့ လူမှုကွန်ယက်စာမျက်နှာတွင်လည်း နေ့စဉ်ဖြစ်ပေါ်နေတဲ့ သတင်းအချက်အလက်တွေကို ဝေမျှပေးနေတာလည်း ဖြစ်ပါတယ်။
မကြာသေးခင် နာရီပိုင်းလောက်ကလည်း ပိုးမမှီသာရဲ့ Facebook အကောင့်တွင် ဖမ်းဆီးထားတဲ့ကျောင်းပေါင်းစုံမှကျောင်းသားတွေကိုအမြန်ဆုံးပြန်လွှတ်ပေးဖို့တောင်းဆိုနေတာပဲ ဖြစ်ပါတယ်။ " ဖမ်းဆီးထားတဲ့ကျောင်းအသီးသီးမှကျောင်းသား ကျောင်းသူများကို အမြန်ဆုံးလွှတ်ပေးပါ
3.3.2021 ကျောက်မြောင်းသပိတ်မှာဖမ်းဆီးသွားတာ တက္ကသိုလ်ကျောင်းအသီးသီးမှကျောင်းသား/သူ ၃၀၀ ကျော်ပါဝင်ပါတယ်။
၂၄ နာရီ ထိန်းသိမ်းထားမယ်လို့ဆိုရာက ၄၈ နာရီ အခုဆို ၇၂ နာရီတောင်မကတော့ပါဘူး
အင်းစိန်ထောင်မှာလို့သိရပါတယ်
ကျောင်းသား/သူများ မိမိရဲ့လွတ်လပ်စွာပြောဆိုပိုင်ခွင့် အပေါ်မှာ အဲ့လောက်ထိကြာမြင့်စွာ ချုပ်နှောင်ထားစရာမလိုပါ ချုပ်နှောင်ထားခွင့်မရှိပါ အပြစ်သားမဟုတ်ပါ
မည်သည့်ပုဒ်မမှလည်းတပ်စရာမလိုပါ တပ်ခြင်းကိုလည်းပြည်သူတစ်ရပ်လုံးမှပြင်းပြင်းထန်ထန်ကန့်ကွက်ပါတယ်
အခြားသူများနည်းတူ ကျောင်းသား/သူ အားလုံးအပါအဝင် ဖမ်းဆီးထားသူများကိုချွင်းချက်မရှိလွတ်ပေးဖို့ပြင်းပြင်းထန်ထန်တောင်းဆိုလိုက်ပါတယ်
အရေးတော်ပုံမှာပါဝင်သူတိုင်းတန်ဖိုးရှိပါတယ် ချက်ချင်းချွင်းချက်မရှိပြန်လွှတ်ပေးပါ
" ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည်ကူးယူတင်ဆက်ပေးလိုက်ရပါတယ်နော်။
Source and Photo Crd-Poe Mamhe Thar’s Facebook Account