ဂီတပြိုင်ပွဲတွေကတစ်ဆင့် အနုပညာလမ်းကြောင်းထက်ကို ဝင်ရောက်လာခဲ့တဲ့ အဆိုတော် ချယ်ရီသင်းက ပရဟိတလုပ်ငန်းကိုလည်း ချစ်မြတ်နိုးသူတစ်ယောက်ပါ။ ချယ်ရီသင်းက သူမရဲ့ အနုပညာငွေကြေးနဲ့ လိုအပ်နေတဲ့ နေရာတွေမှာ ပါဝင်ကူညီအားဖြည့်လေ့ရှိတာကိုလည်း တွေ့ရပါတယ်။ ဒါ့အပြင် အမှန်တရားဘက်က ရပ်တည်လေ့ရှိတဲ့ ချယ်ရီသင်းက လက်ရှိဖြစ်ပေါ်နေတဲ့ နိုင်ငံရေးအခြေအနေတွေမှာလည်း ပြည်သူတွေနဲ့အတူ တစ်သားတည်းရပ်တည်ခဲ့တာဖြစ်ပါတယ်။
ချယ်ရီသင်းက လမ်းပေါ်ထွက်ကာ တရားမျှတမှု့အတွက် တောင်းဆိုနေသလို လူထုလှုပ်ရှားမှုမှာ အသက်ပေးကာ တိုက်ပွဲဝင်ခဲ့တဲ့ ညီငယ် ညီမငယ် သူရဲကောင်းတွေအတွက်လည်း ငွေကြေးအင်အားနဲ့ ကူညီထောက်ပံ့ပေးတာကို တွေ့ရပါတယ်။ သူမရဲ့ အလှူမှာ ပါဝင်ချင်တဲ့ ပြည်တွင်းပြည်ပက စေတနာရှင်တွေကိုလည်း အလှူငွေထည့်ဝင်စေတာဖြစ်ပြီး လှူဒါန်းခဲ့တဲ့ ပုံတွေကိုလည်း လူမှုကွန်ယက် ဖေ့ဘွတ်အကောင့်မှာ တင်ပေးလေ့ရှိတာပါ။
ယနေ့မှာလည်း ချယ်ရီသင်းက " မြောက်ဥက္ကလာက ဆုံးသွားတဲ့ မောင်လေးအာကာမိုးအတွက် ပြည်တွင်းပြည်ပမှစေတနာရှင်များအားလုံးလှူဒါန်းထားတဲ့ အလှူငွေထဲမှ (၅)သိန်းကျပ်ကိုမောင်လေးရဲ့မိဘထံပို့ပေးပြီးပါပြီ အိမ်အထိအလှူငွေသွားရောက်ပို့ပေးတဲ့ ကိုဟိန်းဇဗ္ဗူကျော်နဲ့ အဖွဲ့သားများ အားလုံးကျေးဇူးအထူးပါ ကောင်းရာသုကတိလားပါစေမောင်လေးရေ " ဆိုတဲ့ စာသားနဲ့အတူ အလှူဖြစ်မြောက်ခဲ့တဲ့ ပုံတွေကိုလည်း တင်ပေးလာတာဖြစ်လို့ ပရိသတ်တွေထံ ပြန်လည်တင်ဆက်ပေးလိုက်ပါတယ်။
သတင်း အရင်းအမြစ်៖ Source - Cherry Thin's FB account