ခုလက်တလောအခြေအနေအရ မြို့နယ်အသီးသီးတွင် ပြည်သူများဟာ လူထုလှုပ်ရှားမှုများပြုလုပ်လျက် ငြိမ်းချမ်းစွာ ဆန္ဒထုတ်ဖော်ပြနေကြပါတယ်။ နေရာအသီးသီးမှာလဲ ရံဖန်ရံခါဆိုသလို အင်အားသုံး ဖြိုခွင်းခံရမှုတွေရှိပါတယ်။ သို့သော် ပြည်သူတွေအနေနဲ့ ဖြိုခွင်းချိန်မှာ ဆုတ်ခွာပြီး အခြေအနေ တည်ငြိမ်တဲ့အခါ ပြန်လည်စုစည်းကာ ဆက်လက် ဆန္ဒပြလျက်ရှိကြပါတယ်။
အဲ့လိုမြို့နယ်တွေထဲမှာ စမ်းချောင်းဟာလဲ တစ်မြို့နယ်အပါအ၀င်ဖြစ်ပါတယ်။ မတ်လ(၇)ရက်နေ့မှာတော့ ရန်ကုန်မြို့စမ်းချောင်းမြို့နယ် မင်းလမ်းအတွင်း ရပ်ကွက်နေပြည်သူသို့ မျက်ရည်ယိုဗုံးများနဲ့ အသံဗုံးများကို မိုးပေါ်ထောင် ပစ်ဖောက်ခဲ့ကြောင်း သိရပါတယ်။ "သူတို့က ငြိမ်းချမ်းစွာ ဆန္ဒပြနေတဲ့ သပိတ်ကို ပစ်တာမဟုတ်ဘဲ ရပ်ကွက်အတွင်းပစ်တာပါ ။ မျက်ရည်ယိုဗုံးတွေကော အသံဗုံးတွေကော ထောင်ပစ်တယ်၊ လမ်းထိပ်မှာရှိနေတဲ့ ဆိုက်ကားသမားကို ဖမ်းသွားတယ်၊လက်ဖက်ရည်ဆိုင်ကိုလည်း နည်းနည်းဖျက်ဆီးသွားတယ်၊ဒိုင်းတွေလည်းယူသွားတယ် " လို့ ဆန္ဒပြသူတစ်ဦးက ပြောပါတယ်။
နေ့စဉ်ဆက်တိုက်ဆိုသလို စမ်းချောင်းမြို့နယ်မှာ အင်အားသုံး ဖြိုခွင်းခံရလျက်ရှိနေပါတယ်။ သို့သော် စမ်းချောင်းက ပြည်သူတွေကလဲ နေ့စဉ်အခုလိုမျိုး လှူတဲ့သူကလှူနေသလို ဆန္ဒပြတဲ့သူကလဲ ဆက်လက်ပြသလျက်ရှိပြီး ငြိမ်းချမ်းစွာ လူထုလှုပ်ရှားမှုများ ပြုလုပ်နေလျက်ရှိပါတယ်။ တခြားသောမြို့နယ်တွေမှာလဲ အလားနည်းတူ ဖြိုခွင်းခံရပေမယ့် ဆက်လက်ပြီး ငြိမ်းချမ်းစွာ ဆန္ဒပြသနေကြပါတယ်။