လူငယ်တွေတစ်ယောက်ချင်းဆီရဲ့စည်းလုံးညီညွတ်မှုတွေ တီထွင်နိုင်မှုတွေကြောင့် ကမ္ဘာတစ်ဝှမ်းလုံးက ချီးကျူးလေးစားခြင်းကိုခံနေရတဲ့ မြန်မာနိုင်ငံရဲ့ ဒီလူထုလှုပ်ရှားမှုကြီးကတော့ အချိန်တစ်လကျော်လာခဲ့ပါပြီ။အားလုံးကလည်း ခိုင်မာတဲ့ ယုံကြည်ချက်တွေကြောင့် ဘယ်လိုအခက်အခဲတွေပဲကြုံနေပါစေ နောက်မဆုတ်ဘဲ အသက်ကိုပေးကာ လှုပ်ရှားပါဝင်နေကြတာပါ။

Photo Credit : Lain Maw Thee Facebook Page 
Photo Credit : Lain Maw Thee Facebook Page 

အနုပညာရှင်တွေကလည်း တစ်ထောင့်တစ်နေရာကနေ အင်တိုက်အားတိုက်ပါဝင်အားဖြည့်ကာ ရပ်တည်ပေးနေတာကြောင့် ဒီလှုပ်ရှားမှုကြီးက ဒီနေ့ထိအသက်ဝင်နေဆဲပါ။ လှုပ်ရှားသူနဲ့ လိုအပ်တာမှန်သမျှပံ့ပိုးထောက်ပံ့သူဆိုပြီး ညီညွတ်နေမှုကြီးကလည်း တကယ်ကို မျက်ရည်ဝဲလောက်အောင်ကြက်သီးထစရာပါပဲ။ ဒါ့ကြောင့်လည်း လူကြီးတွေက Gen Y Gen Z လေးတွေကို ချီးကျူးမဆုံးဖြစ်နေကြတာပါ။

Photo Credit : Lain Maw Thee Facebook Page 
Photo Credit : Lain Maw Thee Facebook Page 

တစ်ယောက်နဲ့တစ်ယောက်က သွေးမတော်သားမစပ်ပေမယ့် လမ်းပေါ်ရောက်လာသည်နှင့်တစ်ပြိုင်နက် တူညီတဲ့ယုံကြည်ချက်တွေကြောင့်ညီအစ်ကိုမောင်နှမတွေလို စည်းလုံးညီညွတ်ပြီး ကူညီဖေးမကြတာလည်းဖြစ်ပါတယ်။အခုလည်းလိမ္မောသီးဟာ ပြည်သူတွေနဲ့အတူ တစ်သားထဲ လမ်းမပေါ်ထွက်ကာ သီချင်းတွေသံပြိုင်သီဆိုရင်း လှုပ်ရှားမှုတွေကို အင်တိုက်အားတိုက်ပါဝင်နေတာကိုလေးစားစွာတွေ့မြင်ရပါတယ်။သူမကတော့ ဖေဖော်ဝါရီလထဲကဒီလှုပ်ရှားမှုကြီးမှာဘက်ပေါင်းစုံကပါဝင်နေတာလည်းဖြစ်ပါတယ်။ပရိသတ်ကြီးအတွက် လိမ္မော်သီးရဲ့ ပုံရိပ်လေးတွေကိုပြန်လည်ဝေမျှပေးလိုက်ပါတယ်။

Photo Credit : Lain Maw Thee Facebook Page 
Source & Photo Credit : Lain Maw Thee Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။