ခုဆိုရင် ပြည်သူတွေကော အနုပညာရှင်တွေဟာ ဒီလူထုလှုပ်ရှားမှုကြီးနဲ့ပတ်သက်ပြီး ဖမ်းဆီးခြိမ်းခြောက်ခံရမှုတွေအပြင် အသက်အန္တရာယ်တွေပါ ထိခိုက်ခံနေရသည်အထိ ကြုံတွေ့နေရပါတယ်။ဒီလိုခြိမ်းခြောက်ခံရမှုတွေထဲမှာမှ ခုဆိုရင် မင်းသမီးချောလေး သဇင်ထူးမြင့်လည်း ပါဝင်ခဲ့ပြီဖြစ်တာကြောင့်ပရိသတ်တွေအားလုံးက စိတ်ပူပန်ကာစိုးရိမ်နေကြရပါတယ်။

Photo Credit : Thazin Htoo Myint Facebook Account
Photo Credit : Thazin Htoo Myint Facebook Account

သဇင်ထူးမြင့်က လူထုလှုပ်ရှားမှုတွေစတင်ထဲက လူငယ်တစ်ယောက်ပီပီ လမ်းပေါ်ထွက်ကာ လှုပ်ရှားမှုတွေဆက်တိုက်ပြုလုပ်နေသူတစ်ယောက်လည်းဖြစ်ပါတယ်။ဒါ့အပြင် လှုပ်ရှားမှုပြုလုပ်ရာမှာလိုအပ်တဲ့ ပစ္စည်းတွေအပြင် အစားအသောက်တွေကိုလည်း နေ့စဉ်မပြတ်တတ်နိုင်သလောက် ကိုယ်တိုင်လှူဒါန်းပေးနေတာကြောင့် ပရိသတ်တွေက လေးစားချစ်ခင်နေကြတာပါ။

Photo Credit : Thazin Htoo Myint Facebook Account
Photo Credit : Thazin Htoo Myint Facebook Account

အခုမှာလည်း သဇင်ထူးမြင့်က သူတို့မိသားစုကို ခြိမ်းခြောက်ခံနေရတဲ့သတင်းတွေရှိလာတာကြောင့် မိသားစုတွေ တစ်ယောက်တစ်နေရာစီ ရှောင်နေရပြီဖြစ်ကောင်းခုလိုရေးသားသတိပေး ဖော်ပြလာတာဖြစ်ပါတယ်။ " အလှူလုပ်နေရင်း ဝရမ်းထွက်လာလို့သဲတို့မိသားစု တစ်ယောက်တစ်နေရာစီ ရှောင်လိုက်ကြရပါပြီ...အနုပညာရှင်တွေကို cdmငွေတွေလိမ်ပါတယ်ဆိုတဲ့သတင်းနဲ့တကွတင်ထားတာတွေတွေ့နေပါတယ်...ဝရမ်းပြေးတင်မဟုတ် ငွေလိမ်သွားတဲ့သူတွေအဆင့်ထိအရှက်ခွဲခံနေရတာ မိုက်ရိုင်းလွန်းတယ်....အသွေးသားထဲထိနာတယ်နော်...လောလောဆယ်မှာဖေဖေရောအဆင်ပြေပါ့မလားကိုကြီးတွက်လည်း စိတ်ပူနေရတယ် ကိုယ်တိုင်လုံခြုံဖို့တွက်လည်း ပူရပြန်တယ် ပြည်သူတွေအားလုံးတွက်ပူပန်နေရတယ် တစ်ယောက်တစ်နေရာစီနဲ့ ဘယ်တော့များမှ မိသားစုတွေပြန်ဆုံခွင့်ရမှာလဲ အရှေ့ထွက်လို့မရပေမယ့်လည်း နောက်ကွယ်ကနေဆက်ပြီးအတတ်နိုင်ဆုံးလုပ်သွားမယ် လှူသွားမယ် အိမ်ပြန်ချင်တဲ့တွက် အရေးတော်ပုံအောင်ကိုအောင်ရမယ်" ဆိုတဲ့စာလေးပဲဖြစ်ရာ ဖတ်ပြီးစိတ်မကောင်းမိတာအမှန်ပါပဲ။သဲတို့မိသားစုလည်း ဘေးအန္တရာယ်ကင်းရှင်းပါစေ ဆုတောင်းပေးလိုက်ပါတယ်နော်။

Photo Credit : Thazin Htoo Myint Facebook Account
Source & Photo Credit : Thazin Htoo Myint Facebook Account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။