လတ်တလော လူထုလှုပ်ရှားမှုတွေမှာပါဝင်ရင်း အသက်ပေးလိုက်ရတဲ့ သူရဲကောင်းတွေကိုရော ဒဏ်ရာအနာတရ ရရှိတဲ့ သူတွေကို အမှန်တရားကို လိုလားကြတဲ့ ပြည်သူတွေနဲ့ အနုပညာရှင်တွေက တတ်နိုင်သလောက် အလှူငွေကူညီထောက်ပံ့လှူဒါန်းမှုတွေ ရှိပါတယ်။ သူရဲကောင်းတွေကို ကူညီလှူဒါန်းပေးနေတဲ့ အထဲမှာ အဆိုတော် ချယ်ရီသင်း တစ်ယောက်လည်း အပါအဝင်ပဲ ဖြစ်ပါတယ်။ ချယ်ရီသင်းက စေတနာရှင်တွေနဲ့ စုပေါင်းပြီး ရပ်ဝေးရပ်နီးက အာဇာနည်သူရဲကောင်းတွေကို တတ်နိုင်သလောက် အလှူငွေလှူဒါန်းပေးနေတာ ဖြစ်ပါတယ်။
ဒီလိုကူညီလှူဒါန်းပေးနေတဲ့ အချိန်လေးမှာ တချို့သူတွေရဲ့ ဝေဖန်ပြောဆိုနေတာနဲ့ ပတ်သက်ပြီး ယခုမှာ ချယ်ရီသင်းက လူမှုကွန်ယက်မှာ ပြန်လည်ရှင်းပြလာခဲ့ပါတယ်။ " ဒီလို Comment တွေမန့်တဲ့လူတွေရဲ့စိတ်ထဲဝင်ကြည့်ချင်တယ်......ချယ်လည်းမချမ်းသာပါဘူး ဒါပေမဲ့ အလှူငွေကို စားရလောက်သည်အထိအသိဉာဏ်ကင်းမဲ့မနေဘူး.....ချယ့်နေရာ လာဝင်ပြီးလုပ်ကြည့် ဘယ်လောက်စိတ်ရှည်ပေးရလဲ ...ဖုန်းဆိုည ၂နာရီအထိဆက်တဲ့ လူတွေရှိတယ်မနက်ဆို အစောကြီး ဆက်တယ် စိတ်မညစ်ပဲကိုင်ပေးတယ်.....
ဒါတောင်လှူတာ မဟုတ်ပဲ ဒီတိုင်းနှောက်ယှက်ဖို့ဆက်တဲ့ သူတွေပါသေးတယ်.......လိုအပ်တဲ့လူတွေကိုရစေချင်လို့ ကျွန်မ(၁)ကျပ်တောင်မစားဘူး ဒီနေ့ဆို အရမ်းနေမကောင်းဖြစ်နေတာတောင် ရအောင်နိူင်သလောက်လုပ်ပေးတယ်....ထပ်ပြောမယ်ကိုယ့်စိတ်နဲ့မနှိုင်းပါနဲ့ငွေမြင်ရင်ငမ်းငမ်းတတ်ဖြစ်သွားတတ်တဲ့ အထဲကျွန်မမပါဘူး" ဆိုပြီး ရေးသားဖော်ပြထားပါတယ်။ ကဲ..ပရိသတ်ကြီးရေ တစ်ထောင့်တစ်နေရာကနေအမှန်တရားကိုလိုလားကြတဲ့ ပြည်သူတွေအတွက် မွန်မြတ်တဲ့ပရဟိတလေးကို လုပ်ကိုင်ပေးနေတဲ့ ချယ်ရီသင်းကို အားပေးစကား ပြောပေးခဲ့ပါဦး။
သတင်း အရင်းအမြစ်៖ Source - Cherry Thin fb page