ပရိသတ်ကြီးရေ.. ချယ်ရီသင်းကတော့ ဂီတလောကမှာ သီချင်းကောင်းလေးတွေနဲ့အောင်မြင်မှုတွေရရှိထားသလို လက်ရှိအခြေအနေတွေမှာလည်း ပြည်သူတွေနဲ့အတူရပ်တည်ကာ လှူဒါန်းမှုတွေဆက်တိုက်ပြုလုပ်နေသူလေးပဲ ဖြစ်ပါတယ်..။
ချယ်လို့အားလုံးက ချစ်စနိုးခေါ်ကြတဲ့ သူမကတော့ ပြည်သူတွေနဲ့အတူလူထုလှုပ်ရှားမှုတွေလည်း ပြုလုပ်နေပြီး ချို့တဲ့ပြီးခက်ခဲနေကြတဲ့ သူရဲကောင်းပြည်သူတွေအတွက်လည်း လိုအပ်တဲ့နေရာတွေမှာ လိုအပ်သလို လှူဒါန်းနေတာပါ..။
ချယ်ကတော့ ပြည်သူတွင်းပြည်ပအလှူရှင်တွေ လှူဒါန်းထားတဲ့ အလှူငွေတွေနဲ့ ပြီးခဲ့တဲ့ရက်ပိုင်းတွေကတည်းက ပြည်သူတွေအတွက် လိုအပ်တဲ့နေရာတွေမှာ ပြန်လည်လှူဒါန်းနေသလို ဒီကနေ့လေးမှာလည်း မြစ်ကြီးနားလှုပ်ရှားမှုမှာ ကျည်ထိမှန်ဒဏ်ရာရရှိခဲ့သူကို အလှူငွေတွေ ပေးပို့လှူဒါန်းခဲ့ပြန်ပါတယ်..။
မြစ်ကြီးနားလူထုလှုပ်ရှားမှုမှာ သေနတ်ပစ်အကြမ်းဖက်ဖြိုခွင်းခံရပြီး လက်မောင်းကို ကျည်အစစ်ထိမှန်ကာဒဏ်ရာရရှိခဲ့တဲ့ အမျိုးသမီးသူရဲကောင်းပြည်သူအတွက် အလှူငွေအဖြစ် (၄)သိန်းကို ပေးပို့လှူဒါန်းခဲ့တာ ဖြစ်ပါတယ်..။
"မနေ့ကမြစ်ကြီးနားမှာလက်မောင်းကျည်ထိပြီးဆေးရုံတတ်နေရတဲ့အမ ညိုညိုလှိုင် အတွက်ပြည်တွင်းပြည်ပမှစေတနာရှင်များစုပေါင်းလှူဒါန်းထားတဲ့အလှူငွေထဲမှ(၄)သိန်းကျပ်ကိုတာဝန်ရှိသူထံပို့ပေးပြီးပါပြီ?
သွားရောက်ပို့ပေးတဲ့ အမ Xian lee ကိုလည်းကျေးဇူးပါနော်?
အမြန်နေကောင်းပါစေမမရေ?
မြစ်ကြီးနားမြို့ကြီးလည်းအေးချမ်းပါစေ??
ချယ်ရီ သင်း.." ဆိုပြီး ချယ်ရီသင်းက အလှူလေးကို ဝေမျှပြောပြထားပါ..။
လိုအပ်နေကြတဲ့နေရာလေးတွေကို နေ့စဉ်ရက်ဆက်လှူဒါန်းမှုတွေပြုလုပ်နေတဲ့ ချယ်ရီသင်းတို့ရဲ့ အလှူလေးကိုလည်း ပရိသတ်တွေကလေးစားသာဓုခေါ်ကာ ဆုတောင်းစကားလေးတွေလည်း ပြောထားကြပါတယ်..။
သတင်း အရင်းအမြစ်៖ Cherry Thin's Fb Acc