အဆိုတော် အောင်လကတော့ တေးသီချင်းတွေကို ကိုယ်တိုင်ဖန်တီးရေးသားသီဆိုရင်းနဲ့ ပရိသတ်တွေရဲ့ အားပေးမှုတွေကို တစ်ခဲနက်ရရှိပိုင်ဆိုင်ထားသူတစ်ယောက်လည်း ဖြစ်ပါတယ်။ ပြည်သူထဲက ပြည်သူတစ်ယောက်ဖြစ်တာကြောင့် လူထုလှုပ်ရှားမှုများတွင် ကျရာနေရာမှ အုတ်တစ်ချပ် သဲတစ်ပွင့် ပါဝင်လုပ်ဆောင်ပေးနေတာလည်း ဖြစ်ပါတယ်။ နေ့ဘက်တွင် လမ်းပေါ်ထွက်ကာ ပြည်သူတွေနဲ့အတူ အမှန်တရားဘက်မှ ရပ်တည်ကာ ရင်တွင်းဆန္ဒတွေကို ထုတ်ဖော်ပြသနေရုံတင်မဟုတ်ဘဲ ညပိုင်းမှာလည်း ရပ်ကွက်ထဲသို့ လူစိမ်းမဝင်ရအောင် ကင်းစောင့်ပေးနေတာလည်း ဖြစ်ပါတယ်။
အောင်လရဲ့ လုပ်ဆောင်မှုတွေတိုင်းကိုလည်း သူ့ပရိသတ်တွေအားလုံးက လေးစားအားကျနေကြတာလည်း ဖြစ်ပါတယ်။ ဒီလို ကိုယ်တတ်နိုင်တဲ့ဘက်ကနေ ပြည်သူတွေအတွက် အားဖြည့်ပူးပေါင်းဆောင်ရွက်ပေးနေတဲ့ အောင်လကတော့ မကြာသေးခင် နာရီပိုင်းလောက်က လူမှုကွန်ယက်စာမျက်နှာတွင် သူ့ရဲ့တစ်နေ့တာလုပ်ဆောင်မှုအစီအစဉ်တွေအား ရေးသားထားတာပဲ ဖြစ်ပါတယ်။ ဒါကတော့ လူထုလှုပ်ရှားမှုများတွင် နေ့စဉ်ပါဝင်နေရုံသာမက အကာအကွယ်ဖြစ်စေရန် လူငယ်တွေနဲ့အတူသဲအိတ်တွေပါ ကူသယ်ပေးနေတဲ့ အကြောင်းပဲ ဖြစ်ပါတယ်။
အောင်လကလည်း " ကျွန်တော် နေ့တိုင်း ထွက်တယ်
ညတိုင်း ကင်းစောင့်တယ်
ဒီနေ့တော့ သဲအိတ်သယ်ပါတယ် ။
နိုင်သလောက်ပေါ့ဗျာ...
နေ့တိုင်းလမ်းပေါ်မှာ အသက်ပေး တဲ့ လူ က သာ hero ပါ... ကျွန်တော်တို့ က အားဖြည့်တွေပါပဲ " ဆိုပြီး ရေးသားထားတာပဲ ဖြစ်ပါတယ်။ လမ်းပေါ်တွင် အဟန့်အတားတစ်ခုဖြစ်စေရန် လူငယ်တွေကိုယ်တိုင် သဲအိတ်၊ အမှိုက်ပုံးကြီးများ အစရှိသည်ဖြင့် ပိတ်ဆို့ထားနေကြတာပဲ ဖြစ်ပါတယ်။ ပရိသတ်တွေလည်းသိရှိစေရန်အတွက် ဒီသတင်းလေးကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Aung La(Reason)‘s Facebook Page