မျက်လုံးထိခိုက်သွားတဲ့လူငယ်လေးရဲ့ အိမ်ကိုသွားပြီး စေတနာရှင်အားလုံးရဲ့ကိုယ်စား အလှူငွေတွေပေးအပ်ကာအားပေးစကားပြောခဲ့တဲ့ အိုင်ရင်းဇင်မာမြင့်

အဆိုတော်အိုင်ရင်းဇင်မာမြင့်ကတော့ လူထုလှုပ်ရှားမှုတွေမှာ တက်တက်ကြွကြွနဲ့ ပါဝင်ဆောင်ရွက်နေတာပဲဖြစ်ပါတယ်။အိုင်ရင်းကလည်း ပြည်သူတွေနဲ့ တစ်သားတည်းနေထိုင်ပြီး အမှန်တရားအတွက် ရဲဝင့်စွာ ရင်ဆိုင်နေတာပဲဖြစ်ပါတယ်။ဒါ့အပြင်လည်း သူမက လမ်းပေါ်ကပြည်သူလူထုကိုလည်း တတ်နိုင်သလောက်လှူဒါန်းပေးသလိုလူထုလှုပ်ရှားမှုမှာ ကျဆုံးသွားတဲ့ သူရဲကောင်းတွေအတွက်လည်း စေတနာရှင်တွေနဲ့စုပေါင်းပြီး လှူဒါန်းပေးတာဖြစ်ပါတယ်။

အိုင်ရင်းဇင်မာမြင့်ကလည်း သူမ ရိုးသားစွာရှာဖွေထားတဲ့ ငွေကြေးတွေနဲ့ တစ်နိုင်တစ်ပိုင်လေးကူညီပေးနေတာဖြစ်ပါတယ်။သူမကတော့ မကြာသေးခင်ရက်ပိုင်းတွေမှာဆိုရင် ကျဆုံးသွားတဲ့သူရဲကောင်းတွေရဲ့ ကျန်ရစ်သူမိသားစုဝင်တွေဆီသွားရောက်ပြီး အားပေးစကားတွေလည်းပြောကာ အလှူငွေလည်းပေးအပ်ခဲ့တာဖြစ်ပါတယ်။လက်ရှိအခြေအနေမှာဆိုရင်တော့ လူထုလှုပ်ရှားမှုတွေမှာ အသက်ပေးသွားရတဲ့သူရဲကောင်းတွေလည်း (၅၀)ဝန်းကျင်ရှိနေပြီဖြစ်လို့ ပြည်သူလူထုကတော့ သူတို့တွေအတွက်ပါ ပိုပြီးကြိုးစားနေကြတာဖြစ်ပါတယ်။

အခုဆိုရင်လည်း အိုင်ရင်းက လူထုလှုပ်ရှားမှုမှာပါဝင်ရင်း မျက်လုံးထိခိုက်သွားတဲ့ လူငယ်လေးရဲ့အိမ်ကိုကိုယ်တိုင်သွားရောက်ပြီး စေတနာရှင်တွေရဲ့ကိုယ်စား အလှူငွေတွေပေးအပ်ခဲ့တာဖြစ်ပါတယ်။သူမကတော့”မျက်စိထိခိုက် ခဲ့သော နေအိမ်အရောက်တတ်နိုင်သောမေတ္တာပြခဲ့ပါတယ် အလှူရှင်များအားလုံးစိတ်ချမ်းသာ ကိုယ်ကျန်းမာကြပါစေ”ဆိုပြီး ဗီဒီယိုဖိုင်လေးတွေနဲ့အတူ ရေးသားမျှဝေလာတာဖြစ်ပါတယ်။အခုလိုမျိုး လိုအပ်နေသူတွေကို တတ်နိုင်သလောက်လှူဒါန်းပေးကြတဲ့ အလှူရှင်တွေအကုန်လုံးကိုလည်း ကျေးဇူးအများကြီးတင်ပါတယ်နော်။

Photo Credit:Irene Zin Mar Myint’s Facebook Page

Source&Video Credit:Irene Zin Mar Myint’s Facebook Page