နေပူလို့အသားတွေမဲပါစေ အမေအတွက်ပန်းခူးနေတာပါဆိုပြီး နေပူပူထဲအပင်ပန်းခံကာ လှုပ်ရှားမှုတွေမှာအင်တိုက်အားတိုက်ပါဝင်နေတဲ့ စူးရှထက်

လတ်တလောအခြေအနေတွေနဲ့ ပတ်သက်ပြီး ပြည်သူပရိသတ်တွေနဲ့အတူ လူထုလှုပ်ရှားမှုတွေကို အားသွန်ခွန်စိုက်ပါဝင်လုပ်ဆောင်နေကြတဲ့ အနုပညာရှင်တွေထဲမှာ မော်လ်ဒယ်သရုပ်ဆောင်မင်းသမီးချော စူးရှထက်ကလည်း အပါအဝင်ပါပဲ..။

စူးရှထက်ကတော့ တော်လှန်ရေးတိုက်ပွဲကြီးအတွက် တက်နိုင်တဲ့ဘက်ကနေ ပါဝင်နေသလို လူထုလှုပ်ရှားမှုတွေကိုယ်တိုင်ပြုလုပ်နေတဲ့အပြင် သူရဲကောင်းပြည်သူတွေအတွက် အလှူအတန်းတွေကိုလည်း မကြာခဏပြုလုပ်နေသူလေးပါ..။

ပြီးခဲ့တဲ့ရက်တွေကတည်းက လမ်းပေါ်ထွက်လှုပ်ရှားမှုတွေနဲ့ အလှူလေးတွေလည်း ကိုယ်တိုင်ကိုယ်ကျပြုလုပ်နေပြီး သူမရဲ့လှုပ်ရှားမှုပုံရိပ်လေးတွေကိုလည်း လူမှုကွန်ယက်ဖေ့စ်ဘွတ်စာမျက်နှာကနေ ပရိသတ်တွေကို ပြန်လည်မျှဝေထားတာ တွေ့ရပါတယ်..။

သူငယ်ချင်းတွေနဲ့အတူ စုပေါင်းအလှူလေးတွေပြုလုပ်သလို သူမရဲ့ချွေးနည်းစာငွေလေးတွေနဲ့ တစ်ကိုယ်တည်းလှူဒါန်းမှုလေးတွေလည်း ပြုလုပ်တတ်တဲ့ စူးရှထက်ကတော့ အားလုံးရဲ့အနာဂတ်တွေအတွက် ကျရာတာဝန်ကို ထမ်းဆောင်နေတာပဲ ဖြစ်ပါတယ်..။

"၉-၃-၂၀၂၁

အမေ့တွက် ပန်းခူးနေတာပါအမေ

နေတွေပူလို့ အသားတွေမဲပါစေ

ရုပ်ဆိုးနေလို့ သီးခံပေးကြပါ?.." ဆိုပြီး စူးရှထက်က သူမရဲ့လှုပ်ရှားမှုပုံရိပ်လေးတွေကို ဝေမျှရင်း ရေးသားပြောပြထားတာပါ..။

တက်နိုင်တဲ့ဘက်ကနေ အင်တိုက်အားတိုက်အမျိုးမျိုးပါဝင်လုပ်ဆောင်နေကြတဲ့ အနုပညာရှင်တွေကို ပရိသတ်တွေကလည်း အသိအမှတ်ပြု အားပေးချစ်ခင်ကြတာလည်း တွေ့ရပါတယ်..။

သတင်း အရင်းအမြစ်៖ Zar Chi's Fb Acc